^{پێش نێوەڕۆی رۆژی پێنج‌شەممە ٩ی خەرمانان بەشێکی بەرچاو لە خەڵکی شاری بانە سەبارەت بە هەڵبژرادنی شارەداری نوێ ناڕەزایەتییان دەربڕی.
خەڵکی شار بانە بە گردبوونەوەی نارەزایەتیی لە بەردەم بینای شارەداری خوازیاری ئەوە بوون کە شارەداری پێشووی ئەو شارە، بە ناوی بابەک رۆستەم‌پوور وەکوو سەرۆکی شارەوانیی درێژە بە کارەکانی خۆی بدا.
خەڵکی بانە لەسەر ئەو باوەڕەن کە لە ماوەی سەرۆکایەتی بابەک رۆستەم‌پوور شاری بانە لە رووی ئاوەدانی و خزمەتگوزارییەوە پێشکەوتنی بە خۆی بینیوە.
ئەم نارەزایەتی دەربڕینە بۆ هەڵبژاردنی کەسێکی دیکە بەناوی وریا وسوقی دەگەڕیتەوە بەڵام خۆپێشاندەرانی بانەیی داواکارن کە هەر شارەداری پێشوو لە سەر کار بمێنێتەوە.
لە دوایین دانیشتنی ئەندامانی شوڕای شاری بانە بۆ هەڵبژاردنی شارەدار، زۆرینەی ئەندامانی شورای شار کە لە حەوت کەس پێک ھاتوون سێ دەنگیان بە بابەک رۆستەم‌پوور داوە و چوار دەنگی دیکە بە وریا وسوقی دراوە.
هەر بۆیە ئەمەش نارەزایەتی بەشێک لە خەڵکی شاری بانەی لێکەوتەوە.
خۆپێشاندەران بە واژۆکردنی تۆمارێک داواکارن کە شارەداری پێشوو، دەرفەتی دووبارەی پێ‌بدرێت و بتوانێ پرۆژە ئاوەدانییەکانی بە ئەنجام بگەێنێت.}

1/9/2017