^{ئاژانسی کوردپا: قەرارگای حەمزەی سپای پاسداران لەبەرامبەر چالاکی حیزبە کوردییەکانی ئۆپوزسیونی حکوومەتی ئیسلامیی ئێران دژکردەوەی نیشان دا.}

^{قەرارگای حەمزەی سپای پاسداران لە هەواڵێکدا دووپاتی کردەوە لەگەڵ هەر جموجۆڵ و چالاکییەکی حیزبە کوردییەکان لە قوڵایی خاکی کوردستان لەگەڵی بەڕەوروو دەبنەوە.}

^{قەراگای حەمزەی سپای پاسداران بە ئاماژە کردن بە ئامادەیی ئەو هێزە ڕایگەیاند:" هۆشدار بە حیزبە کوردییەکان دەدەین لە ئەگەری هەر جۆرە جموجۆڵێک و دەستدرێژییەکی ئەوان هەتا بنکەکانی خۆیان ڕاویان دەنێنن و بە توندی سزایان دەدەین".}

^{ئەو هەوڵویستەی قەراگای حەمزەی سپای پاسداران لە کاتێکدایە کە حیزبی دێموکراتی کوردستانی ئێران لە ١٧دەهەمین پلینۆمی خۆیدا پێداگری لە سەر بەهێزتر کردنی خەباتی نەتەوەیی کورد لە کوردستانی ڕۆژهەڵات کردبوو.}

^{ماوەیەک پێش، قەرارگای حەمزەی سپای پاسدران بێ لایەنی هەرێمی کوردستانی لە پرسی حیزبە کوردییەکانی ئۆپوزسیونی حکوومەتی ئیسلامیی ئێران"بێ واتا" وەسف کردبوو.}

^{وتەبێژی قەرارگای حەمزە داوای لە حکوومەتی هەرێمی کوردستان کرد کە پابەند بە ڕێککەوتنە ئەمنیەتییەکانی نێوانیان لەگەڵ حکوومەتی ئیسلامیی ئێران بێت.}

^{قەرارگای حەمزە بۆ بەربەرەکانێ لەگەڵ حیزبە کوردییەکانی ئۆپۆزسیۆنی حکوومەتی ئیسلامیی ئێران دامەزراوە و لە پارێزگاکانی سنە، ورمێ و کرماشان چالاکی دەکات.}

^{پێشتریش، لە ماوەی مانگەکانی پێشوودا، شەڕ و تێکهەڵچوون لە نێوان ‌هێزە کوردییەکانی ئۆپۆزسیۆن و سپای پاسداران هاتبووە ئاراوە.}