^{ئەردۆغان ڕایگەیاند ئێران و تورکیا باسیان لە ئەگەرى ئەنجامدانى هێرشى هاوبەش کردووە بۆ سەر چەکدارە کوردەکانى هەردوو وڵات.}

^{ئەردۆغان لە کۆنفرانسێکى ڕۆژنامەوانیدا باسى لەوەشکرد، کە دواى گفتوگۆکانیان لەگەڵ سەرۆک ئەرکانى هێزە چەکدارەکانى ئێران لە ئەنکەرە ئەو بابەتەیان تاوتوێ کردووە.}

^{ئەردۆغان وتیشى، "ڕوبەڕوبوونەوەى هاوبەشى تورکیا و ئێران دژى پارتى کرێکارانى کوردستان پەکەکە و پارتى ژیانى ئازاد پژاک، ئەگەرێکى نزیکە، لەبەرئەوەى ئەو دوو گروپە بەردەوام هەڕەشەن بۆسەر بەرژەوەندییەکانى هەردوو وڵات".}

^{ئەردۆغان ئاماژەى بەوەشدا کە خودى خۆى بە تایبەت باسى لە ئەگەرى ئەنجامدانى هێرشى هاوبەش لەگەڵ ئێراندا کردووە.}

^{ئەو وتانەى ئەردۆغان دواى سەردانەکەى محەمەد باقرى سەرۆک ئەرکانى هێزە چەکدارەکانى ئێران دێت بۆ ئەنکەرە کە لەگەڵ سەرۆک ئەرکانى سوپاى تورکیا و ئەردۆغان و ژمارەیەک بەرپرسى دیکەى ئەو وڵاتەدا کۆبووەوە و باسیان لە گرتنەبەرى ڕێوشوێنى ئەمنى کرد بۆ پاراستنى سنورەکانیان.}