^{لقی هەولێری کۆمسیۆنی باڵای هەڵبژاردن و ڕاپرسی لە هەێمی کوردستان، دەست پێ کردنی پرۆسەی نوێکردنەوەی تۆماری دەنگدەرانی ڕاگەیاند.}

^{ئەمڕۆ یەکشەممە 20/8/2017، ئارام نەجمەدین، سەرۆکی لقی هەولێری کۆمسیۆنی باڵای هەڵبژاردن و ڕاپرسی، لە پرێس کۆنفرانسێکدا ئاماژەی بەوە کرد، لەمڕۆوە بنکەکانی نوێکردنەوەی تۆماری دەنگدەران لەپارێزگای هەولێر دەکرێنەوە و بۆ ئەو مەبەستەش 53 بنکەی تۆماری دەنگدەران داندراون.}

^{ئەوەشی ئاشکرا کرد کە بەپێی تۆمارە سەرەتاییەکان، لە پارێزگای هەولێردا 1 ملیۆن و 147 هەزار و 123 کەس مافی دەنگدانیان هەیە، بەڵام ”ئەو تۆمارەی لەبەردەست بنکەکاندا هەیە، تۆمارێکی سەرەتاییە و ڕەنگە جۆرێک لە ناتەواوی هەبێ“. بۆیە داوای لە دەنگدەران کرد، سەردانی بنکەکان بکەن، تاوەکوو لە بوونی ناوەکانیان دڵنیا ببنەوە.}

^{لە بەشێکی دیکەی قسەکانیدا ئارام نەجمەدین ئەوەی ئاشکرا کرد، لەمڕۆوە لایەنە سیاسییەکان دەتوانن چاودێر بۆ پرۆسەی نوێکردنەوەی تۆماری دەنگدەران دابنێن و لەکاتی بوونی ناڕەزایەتیدا دەتوانن تانەی لێ بدەن، هەروەها ”چاودێرانی نێودەوڵەتیش دەتوانن بۆ چاودێرییەکە بێن“.}

^{بڕیارە لە ڕۆژی 25ی ئەیلوولی داهاتوو، ڕیفراندۆم بۆ سەربەخۆیی کوردستان بەڕێوە بچێت و لە ڕۆژی 1/11/2017ش هەڵبژاردن بۆ پەرلەمانی کوردستان و سەرۆکایەتیی هەرێمی کوردستان ئەنجام بدرێ.}