ئەمڕۆ جڤاتی گشتی بزووتنەوەی گۆڕان بۆ تاوتوێکردنی پرسی ریفراندۆم و پەیوەندییەکانی لەگەڵ پارتی دیموکراتی کوردستان کۆدەبێتەوە.
پەیامنێری کوردستان24 لە سلێمانی پێی راگەیاندین، بڕیارە ئەمڕۆ پێنجشەممە، جڤاتی گشتی بزووتنەوەی گۆڕان بە سەرۆکایەتی رەئوف عوسمان کۆببێتەوە و دوا بە دوای بڕیاری لایەنە سیاسییەکان بە کاراکردنەوەی پەرلەمانی کوردستان، بزووتنەوەی گۆڕان لەماوەی یەک هەفتەدا چەند کۆبوونەوەیەک ئەنجامدەدات و تەواوی پرسەکان بە ریفراندۆم و کۆبوونەوەی لەگەڵ پارتی دیموکراتی کوردستان یەکلایی دەکاتەوە.
لە دوای ئەم کۆبوونەوەیە بڕیارە رۆژی شەممەی داهاتوو جڤاتی نیشتیمانی بزووتنەوەکە کۆببێتەوە و تەواوی بیروبۆچونەکان بگەینێتە خانەی راپەڕاندن.
ره‌ئوف عوسمان سه‌رۆكی جڤاتی گشتی بزووتنه‌وی گۆڕان، بە میدیای حزبەكەی راگەیاندووە: "جڤاتی گشتی گفتوگۆ ده‌كات له‌باره‌ی چه‌ند پرسێكه‌وه له‌وانه بارودۆخی سیاسی هه‌رێم و بژێوی ژیانی هاووڵاتیان و پاشه‌كه‌وتی موچه‌ی فه‌رمانبه‌ران و پرسی ریفراندۆم و ئاساییكردنه‌وه‌ی په‌رله‌مان و گفتوگۆی نێوان لایه‌نه سیاسییه‌كان به تایبه‌تی پارتی دیموكراتی كوردستان".
