^{حسێن دەهقان وه‌زیری به‌رگری ئێران جەختیکردەوە لەسەر یەکپارچەیی عێراق و ڕایگەیاند، جووڵه‌ی جیایی خوازانه‌ له‌ عێراق قابیلی قبووڵکردن نییه‌.
دوێنێ عیرفان مەحمود وەزیری بەرگری عێراق سەردانی ئێرانی کرد و لەگەڵ وەزیری بەرگری ئەو وڵاتەدا کۆبووەوە کە تیایدا پەیوەندییەکانی هەردوولا و ڕەوشی ناوچەکەیان تاوتوێ کرد.
بەپێی ئاژانسی هەواڵی میهر، لە کۆبوونەوەکەدا حسێن دەهقان ڕایگەیاندووە "یه‌کپارچه‌یی و یه‌کگرتوویی عێراق گه‌ره‌نتی ئه‌منیه‌ت و دابینکردنی به‌رژه‌وه‌ندی هه‌موو ئێتنیکه‌کانی عێراقه‌ و هه‌نگاونان به‌ره‌و د واوه‌ له‌ عێراق قابیلی قبوڵکردن نییه‌ له‌لایه‌ن ئێرانه‌وه‌".
هەروەها وتیشی، ئه‌منیه‌تی عێراق، ئه‌منیه‌تی ئێرانه‌ و درێژه‌ به‌ هاوکاری خۆیان له‌گه‌ڵ عێراق ده‌ده‌ن تاوەکو جارێکی دیکه‌ ببێته‌ وڵاتێکی به‌هێز له‌ ناوچه‌که‌دا.
پێشتر ئێران چەند جارێکی تر دژایەتی خۆی بۆ ئەنجامدانی ڕیفراندۆمی هەرێم بۆ سەربەخۆیی دەربڕیوە و جەختی لە یەکپارچەیی خاکی عێراق کردووەتەوە.}