^{ڕێکخراوی لێبوردنی نێونەتەوەیی لە بەیاننامەیەکدا، داوای لە بەرپرسانی باڵای حکوومەتی ئێران کرد شوێنی ڕاگرتن و چارەنووسی ئەندامانی بنەماڵەی حوسێن پەناهی ڕابەگەیەنێت.}

^{ڕێکخراوی لێبوردنی نێونەتەوەیی لە بەیاننامەیەکدا داوای ئازاد کردنی ئەندامانی بنەماڵەی دەستبەسەر کراوی حوسێن پەناهی کردووە.}

^{لەو بەیاننامەیەدا هاتووە، ڕێکخراوی نێونەتەوەیی وڵام نەدانەوەی بەرپرسانی ئێران سەبارەت بارودۆخی ئەندامانی بنەماڵەی حوسین پەناهی بە "تاوان" دەزانێت.}

^{ڕێکخراوی لێبوردنی نێونەتەوەییڕاگرتنی کەسانی دەستبەسەر کراو لە ئەگەری مەترسی ئێعدام (بەبێ دادگایی کردنی دادپەروەرانە لە دادگایەکی خاوەن دەسەڵات) بە پێشێلکردنی مافی مرۆڤ دەزانێ.}

^{ئەو ڕێکخراوەیە داوای هەرچی زوووتر پێڕاگەیشتن و دەوا و دەرمان و دیاری کردنی پارێزەرێکی سەربەخۆ بۆ ڕامین حوسێن پەناهی کردووە.}

^{ئەو ڕێکخراوەیە لە بەیاننامەیەدا دەڵێت: ڕامین حوسێن پەناهی دەبێت لە دادگایەکی دادپەروەرانە بەبێ بڕینەوەی حوکمی سزای مردن موحاکمە بکرێت.}

^{ڕامین حوسێن پەناهی ڕۆژی هەینی ٢ی پووشپەڕ لە شەڕ و تێکەڵچوون لە نێوان هێزەکانی سپای پاسدران لە شاری سنە بە سەختی بریندار بوو و لە لایەن هێزەکانی سپای پاسدارانەوە دەستبەسەر و پێش تەواو کردنی کاروباری دەرمانی لە نەخۆشخانەی شاری سنە بۆ گرتووخانەی سپا گواسترایەوە.}

^{بە وتەی ئەمجەد حوسێن پەناهی، ڕامین حوسێن پەناهی لەو شەڕ دا کە لە ڕۆژی ٢ی پووشپەڕ دەستی پێکرد سی گلولەی وەبەر نێوقەد، پشت و لاقی کەوتووە.}

^{پاش دەستبەسەر کردنی ڕامین حوسێن پەناهی، هێزە ئەمنییەتییەکان هەوڵی دەستبەسەر کردنی ئەنندامانی بنەماڵەی حوسێن پەناهیان داوە.}