^{عه‌لائه‌دین برووجردی به‌رپرسی کۆمیسیونی ئاسایشی نیشتمانی په‌رله‌مانی ئێران ده‌ڵێت قه‌یرانی ئاو له ئێران گه‌یشتوه‌ته ئاستی ئاسایشی و هه‌ربۆیه‌ش کۆمیته‌ی ئاسایشی ئاو له په‌رله‌مان درووست بووه.}

^{به‌رپرسانی ئێران ساڵانێکی زۆره ده‌ڵێن وڵاتی ئێران به سنووری قه‌یرانی ئاو گه‌یشتوه. دابه‌زینی ڕێژه‌ی بارانی ساڵانه له ئێران و زیاد بوونی داواکاری بۆ به‌کار هێنانی ئاو و که‌م بوونی سه‌رچاوه ئاویه‌کان له هۆکاره‌کانی درووست بوونی ئه‌م قه‌یرانه‌یه‌.}

^{برووجردی ده‌ڵێت وڵاتی ئێران له باری سه‌رچاوه‌کانی ئاوه‌وه تووشی گرفتێکی زۆره و ئێران ئێستا له وڵاتانی که‌م ئاوی جیهانه. و ئه‌مه‌ش له کاتیکدایه که له زۆربه‌ی ڕووباره‌کانی ئێران پیسایی ده‌چێته نێو ئاوه‌وه و ئاوی خاوێن له نێو ده‌بات.}

^{به‌رپرسانی ئێرانی هه‌موو ساڵێک له وه‌رزی گه‌رمادا هۆشدار به خه‌ڵک ده‌ده‌ن که ئاو که‌م به کار بێنن بو ئه‌وه‌ی ئاوی شار و گۆنده‌که‌یان نه‌بڕدرێت.}

^{ئێران تا ئێستا چه‌ند ده‌وره ویشکه‌ساڵی تێپه‌ڕ کردوه و بۆ هۆیه‌شه‌وه ژمارێکی زۆر له زه‌ریاکان و ڕۆخانه‌کانی ئێران وه‌ک هاموون و ورمێ وشک بوون یان له مه‌ترسی وشک بوونی هه‌میشه‌یین.}

^{جگه له وشکه ساڵی، کارناسانی ژینگه سیاسه‌ته‌کانی حکومه‌ت له ده‌یه‌ی ڕابردوودا وه‌ک یه‌ک له هۆکاره سه‌ره‌کیه‌کانی قه‌یرانی ئاو له ئێران له ئه‌‌ژمار دێنن.}

^{حه‌مید چیت‌چیان، وه‌زیری وزه‌ی ئێران ساڵی پار هۆشداری دابوو که ژیان و شارستانیه‌تی ئێران به هۆی ڕه‌وشی که‌ش و هه‌وا له مه‌ترسی له ناوچووندایه و ئێستا ئاماده کردنی ئاوی خاوێن بوه‌ته کێشه‌یێک گه‌وره له ئێراندا.}