^{فەرماندەیەکی باڵای سەربازیی ئەمریکا رایدەگەیەنێت، کە پێویستە ریفراندۆمی سەربەخۆیی باشووری کوردستان لەنێوان سەرۆکی هەرێمی کوردستان و سەرۆک وەزیرانی عێراق چارەسەر بکرێت.}

^{هێزەر نۆورت، گوتەبێژی وەزارەتی دەرەوەی ئەمریکا جیاواز لە لێدوانی سێ هەفتە لەمەوبەری، رایگەیاندووە، ئەمریکا وەک ”بابەتێکی تەواو ناوخۆیی عێراق“ مامەڵە لەگەڵ ریفراندۆمی سەربەخۆیی باشووری کوردستان دەکات.}

^{هێزەر نۆورت ئاماژەی بەوەش کردووە، وڵاتەکەی داوا دەکات دوای کۆتایی هاتنی رێکخراوی تیرۆریستی داعش و گەڕانەوەی ئاوارەکان، ریفراندۆمێک ئەنجام بدرێت، جا چ عێراق چ کوردستان ئەنجامی بدات.}

^{هەروەها جۆزێڤ دەنفۆرد، فەرماندەی باڵای هێزە چەکدارە هاوبەشەکانی ئەمریکا رایگەیاندووە، کە پێویستە پرسی ریفراندۆمی سەربەخۆیی باشووری کوردستان لەنێوان مەسعود بارزانی، سەرۆکی هەرێمی کوردستان و حەیدەر عەبادی، سەرۆک وەزیرانی عێراق و گەلی هەردوولا، چارەسەر بکرێت.}

^{پێشتر لە کۆبوونەوەی رۆژی چوارشەممە 7.6.2017ـی مەسعود بارزانی، سەرۆکی ھەرێمی کوردستان لەگەڵ نوێنەر و سەرکردەی حزب و لایەنە سیاسییەکانی کوردستان، بڕیاردرا رۆژی 25ـی ئەیلوولی 2017 ریفراندۆمی سەربەخۆیی کوردستان لە ھەرێمی کوردستان، کەرکووک و ناوچە کوردستانییەکانی دەرەوەی ئیدارەی ھەرێمی کوردستان، ئەنجام بدرێت.}