^{لە سێزدەهەمین کۆنگرەی ڕێکخراوی UNPO بڕیارنامەیەک لە پەیوەندیی لەگەڵ پێشێکردنی مافی مرۆڤ لە کوردستانی ڕۆژهەڵات پەسند کرا.}

 ^{ئاژانسی هەواڵدەریی کوردپا، ڕۆژی سێ شەممە ٦ی پووشپەڕ، سێزدەهەمین کۆنگرەی ڕێکخراویUNPO لە دووهەمین ڕۆژی کاری خۆیدا، بڕیارنامەیەکی لە پەیوەندیی لەگەڵ بارودۆخی کوردستانی ڕۆژهەڵات پەسند کرد.}

^{لە بریارنامەی ئەو ڕێکخراوەدا، ئێعدام کردنی زیندانیانی سیاسی کورد و چالاکانی مافی مرۆڤ، ڕۆژنامەوانان و زیندانی دیکە لە لایەن حکوومەتی ئیسلامیی ئێرانی بە توندی مەحکووم کرد.}

^{ڕێکخراوی UNPO داوا لە حکوومەتی ئێران دەکات کە تەواوی ئێعدامەکان ڕابگرێت و پابەند بە یاسا نێونەتەوەیەکان لە پەیوندیی لەگەڵ زیندانیانی سیاسی بێت.}

^{ئەو ڕێکخراوە نادەوڵەتییە نیگەرانیی خۆی بە نیسبەت پێشێلکردنی مافی مرۆڤی نەتەوەکانی دیکە ئێران دەربڕی.}

^{ئەو ڕێکخراوەیە داوا لە ئێران دەکات دەست لە میلیتاریزەکردنی کوردستان و هەرێمی نەتەوەکانی دیکە ئێران هەڵگرێت.}

^{ئەو ڕێکخراوەیە هەروەها نیگەرانیی خۆی بە نیسبەت بارودۆخی زیندانیان سیاسی کورد، کە بە شێوەی نادادپەروەرانە و لە دەرەوەی چوار چێوەی یاسای ئێعدام و زیندانی درێژخایەن مەحکووم کراون، ڕاگەیاند.}

^{هەروەها ئەو ڕێکخراوەیە نیگەرانیی خۆی سەبارەت بە دەستبەسەر کردنی چالاکانی سیاسی، نووسەران، ڕۆژنامەوانان و چالاکانی کرێکاری و مافی مرۆیی دەربڕی.}

^{ڕێکخراوی UNPO داواکاری کۆتایی هێنان بە کوشتاری کۆڵبەران لە ناوچە سنوورییەکانی کوردستان لە لایەن نیزامییەکانی حکوومەتی ئیسلامی ئێرانەوە کردووە.}

UNPO بە نەتەوە بێ دەوڵەتەکان دەگوترێ و مقەری سەرەکیی ئەو ڕێکخراوە نادەوڵەتییە لە وڵاتی هولەند دایە.