^{جێرارد دێپرێز ئەندام پەرلەمانی ئەوروپا کە هاوکات سەرۆکی گرووپی "دۆستانی ئێرانی ئازاد"ە، بەییانامەیەکی بە واژووی ۲٦٥ پەرلەمانی ئەوروپا ئامادە کردووە، تێیدا پرۆتستۆی ئەو پێشێلکارییانە دەکات کە لە ئێران بەرامبەر بە مافەکانی مرۆڤ دەکرێت.
بە وتەی ئەو پەرلەمانتارە،"لەچوار ساڵی یەکەمی سەرۆکایەتی حەسەن ڕۆحانی، ٣٠٠٠ کەس لە ئێران لە سێدارە دراوون بەو هۆکارە ڕۆحانی ناتوانێت چاکسازی لە مافەکانی مرۆڤ لەو وڵاتە بکات"
بەیاننامەکە ئاماژە بە دوایین هەڵبژاردنی سەرۆک کۆماری ئێران دەکات، کە نەیارانی کۆماری ئیسلامی ئێران ناتوانن بەشداری ئەو پرۆسەیە بکەن و ئەمەش ئازادی و دادپەروەی نییە.
لە بەیاننامەی ئەو ۲٦٥ پەرلەمانتارە باس لە "مستەفا پورمحەمەدی"وەزیری داد ئێران لە کابینەکەی ڕۆحانی دەکات، کە ناوبراو لە ڕووداوی لە سێدارەدانی زیندانیانی سیاسی لە ساڵی ۱۹۸۸ کە بە "ئەنجومەنی مەرگ" ناسراوە، ڕۆڵێکی بەرچاوی هەبووە.
لە بەیاننامەکەدا هاتووە، ژنان ناتوانن خۆیان بۆ هەڵبژاردنی سەرۆکایەتی ئەو وڵاتە و دادوەر بپاڵێون، لەژێر فشاری باڵاپۆشی بە زۆر، چالاکوانانی مافەکانی ژنان ڕووبەڕووی زیندان دەبنەوە.}