^{دوو فیلمی سینه‌مایی له‌ ده‌رهێنانی سینه‌ماكارانی هه‌رێمی كوردستان، له‌ میانه‌ی حه‌وته‌مین خولی فیستیڤاڵی نێوده‌وڵه‌تی فیلمی ئه‌بووزه‌بی له‌ وڵاتی ئیمارات نمایش ده‌كرێن.} 

^{فیلمی سینه‌مایی "تاڵ، شیرین، وڵاته‌كه‌م" له‌ ده‌رهێنانی سینه‌ماكاری كورد هونه‌ر سه‌لیم، له‌ به‌شی پێشبڕكێی سه‌ره‌كی و فیلمی سینه‌مایی "پێش به‌فربارین" له‌ ده‌رهێنانی سینه‌ماكاری كورد هیشام زه‌مان، له‌ به‌شی پێشبڕكێی "ئاسۆی نوێ"ی حه‌وته‌مین خولی فێستیڤاڵی نێوده‌وڵه‌تی فیلمی ئه‌بووزه‌بی له‌ دوو سانسی جیاوازدا له‌ هۆڵی سینه‌مایی كۆشكی ئیمارات و هه‌روه‌ها ناوه‌ندی سینه‌مایی "مارینا ماڵ" له‌ شاری ئه‌بووزه‌بی له‌ وڵاتی ئیمارات یه‌كگرتووی عه‌ره‌بی ده‌چنه‌ سه‌ر په‌رده‌ی سینه‌ما و بۆ به‌ده‌ستهێنانی خه‌ڵاته‌ سه‌ره‌كییه‌كانی ئه‌م فێستیڤاڵه‌ له‌گه‌ڵ كۆمه‌ڵێك فیلم له‌ وڵاتانی جۆراوجۆری جیهان له‌ ركابه‌ریدا ده‌بن.}

^{فیلمی سینه‌مایی "تاڵ، شیرین، وڵاته‌كه‌م" به‌رهه‌می هه‌ریمی كوردستان و وڵاتانی فه‌ڕه‌نسا، ئه‌ڵمانیا و ئیماڕاته‌، ٍبه‌ ئاماده‌بوونی ده‌رهێنه‌ری فیلمه‌كه‌ هونه‌ر سه‌لیم، ئه‌كته‌ری ناوداری سینه‌مای ئێران گوڵشیفته‌ فه‌راهانی و ئه‌كته‌ری كوردی باكووری كوردستان و دانیشتووی وڵاتی ئه‌ڵمانیا كوركماز ئه‌رسه‌لان نمایش ده‌كرێت.}

^{فیلمی سینه‌مایی "پێش به‌فربارین" كه‌ به‌رهه‌می هه‌ریمی كوردستان، كۆمپانیای میتۆس فیلمی ئه‌ڵمانی و وڵاتی نۆڕوێژه‌، ٍبه‌ ئاماده‌بوونی ده‌رهێنه‌ری فیلمه‌كه‌ هیشام زه‌مان، به‌رهه‌مهێنه‌ری فیلمه‌كه‌ و به‌رپرسی كۆمپانیایی سینه‌مایی میتۆس فیلمی ئه‌ڵمانی مه‌مه‌د ئه‌كتاش و ئه‌كته‌ری سه‌ره‌كی فیلمه‌كه‌ تاهیر عه‌بدوڵڵا تاهیر پێشكه‌ش ده‌كرێت.}

^{ئه‌ندامانی لێژنه‌ی دادوه‌رانی به‌شی پێشبڕكێی سه‌ره‌كی حه‌وته‌مین خولی فیستیڤاڵی نێوده‌وڵه‌تی فیلمی ئه‌بووزه‌بی كه‌ فیلمی سینه‌مایی "تاڵ، شیرین، وڵاته‌كه‌م" له‌ هونه‌ر سه‌لیم و 13 فیلمی سینه‌مایی دیكه‌ تیایدا نمایش ده‌كرێن، بریتین له‌: خاتوو جاكی وه‌یڤێر سه‌رۆكی لێژنه‌ی دادوه‌ران و ئه‌كته‌ر له‌ وڵاتی ئۆستۆڕاڵیا، ئادریان ووتۆن ـ ئه‌كته‌ر و به‌رهه‌مهێنه‌ر له‌ وڵاتی به‌ریتانیا، خاتوو هیام عه‌بباس ـ ئه‌كته‌ر له‌ وڵاتی فه‌ڕه‌نسا، خاتوو دۆڕا بۆچۆچا ـ به‌رهه‌مهێنه‌ر له‌ وڵاتی توونێس و خاتوو ساندرا دێن هامێڕ ـ ده‌رهێنه‌ر و به‌رهه‌مهێنه‌ر له‌ وڵاتی هۆڵه‌ندا.}

^{ئه‌ندامانی لێژنه‌ی دادوه‌رانی به‌شی پێشبڕكێی "ئاسۆی نوێ"ی حه‌وته‌مین خولی فێستیڤاڵی نێوده‌وڵه‌تی فیلمی ئه‌بووزه‌بی كه‌ فیلمی سینه‌مایی "پێش به‌فربارین" له‌ ده‌رهێنانی سینه‌ماكاری كورد هیشام زه‌مان و 14 فیلمی سینه‌مایی دیكه‌ تیایدا نمایش ده‌كرێن، بریتین له‌: خاتوو یێسیم ئۆستاگلۆ ئاڕتیست له‌ وڵاتی توركیا، خاتوو ئێرێنێ بیگناردی ـ رخنه‌گری سینه‌ما له‌ وڵاتی ئیتالیا، نووره‌دین له‌خماری ـ ده‌رهێنه‌ر له‌ وڵاتی مه‌غریب، والێری تودورۆوسكی ـ ده‌رهێنه‌ر له‌ وڵاتی رووسیا و میشێل كامۆن ـ فیلمساز له‌ وڵاتی لوبنان.}   

^{حه‌وته‌مین خولی فێستیڤاڵی نێوده‌وڵه‌تی فیلمی ئه‌بووزه‌بی به‌ نمایشی كۆمه‌ڵێك فیلم له‌ سینه‌ماكارانی وڵاتانی جۆراوجۆری جیهان له‌ چه‌ندین به‌شی جۆراوجۆری پێشبڕكێی و ده‌ره‌وه‌ی پێشبڕكێی، له‌ ڕۆژانی 24ی تشرینی یه‌كه‌م/ ئۆكتۆبه‌ر تا رۆژی 2ی تشرینی دووه‌م/ نۆڤه‌مبه‌ر 2013 له‌ هۆڵی گه‌وره‌ی كۆشكی ئیمارات و هه‌روه‌ها ناوه‌ندی سینه‌مایی "مارینا ماڵ" له‌ شاری ئه‌بووزه‌بی له‌ وڵاتی ئیمارات یه‌كگرتووی عه‌ڕه‌بی به‌ڕێوه‌ده‌چێت.} 

^{مه‌نسوور جیهانی/ پ. ف}

چه‌ند کاتژمێرێک دوای له‌سێداره‌دانی حه‌بیبوڵلا گوڵپه‌ری پوور له‌زیندانی ورمێ له‌زیندانی سه‌ڵماسیش گیراوێکی سیاسی کورد به‌ ناوی ( ره‌زا ئیسماعیلی ) ناسراو به‌ ( ئیلهام مامه‌دی ) به‌ تۆمه‌تی هاوکاری کردنی PJAK له‌سێداره‌ درا . ناوبراو ئه‌ندامی هه‌رێمی PJAK بووه‌ و به‌ر له‌سێداره‌دانی ئه‌شکه‌نجه‌ی لێکراوه‌و شوێنچه‌نجه‌ی ئه‌شکه‌نجه‌ له‌سه‌ر جه‌سته‌ی بینراوه‌ .
ره‌زا ئیسماعیلی ناسراو به‌ ( ئیلهام مامه‌دی ) که‌ له‌ساڵی 2009 به‌ تۆمه‌تی هاوکاری کردنی گه‌ریلاکانی پارتی ژیانی ئازادی کوردستان ده‌ستگیر کرابوو ، سه‌ر له‌به‌یانی دوێنێ له‌زیندانی سه‌ڵماس له‌سێداره‌ درا .
ئیلهام مامه‌دی ته‌مه‌ن ( 35 ) ساڵ خه‌ڵکی گوندی دێرکی سه‌ڵماسه‌ . ناوبراو کوڕی مه‌زنی ماڵ بووه‌و به‌ هۆی هه‌ستی ئازادیخوازی به‌ سه‌رهاتێکی به‌کول و ئێشی هه‌بووه‌ . خه‌ڵکی ناوچه‌که‌ ناوبراویان وه‌ک به‌ که‌سێکی خۆشناو ، رووخۆش و مه‌تین به‌ ناو ده‌کرد که‌ هیچ کاتێک زیانێکی بۆ که‌سێک نه‌بووه‌ و که‌سێکی به‌رپرسیار له‌به‌رامبه‌ر کۆمه‌ڵگا بووه‌ .
ئیلهام مامه‌دی له‌رابردوودا خاوه‌ن دوو منداڵ‌ بووه‌و له‌گونددا بژێوی ژیانیان به‌ به‌خێوکردنی مه‌ڕ و ماڵات ده‌برده‌ سه‌ر . له‌ساڵی 2006 به‌ هۆی رووداوێکه‌وه‌ ( ته‌قینه‌وه‌ی گاز ) له‌ماڵه‌که‌یدا هاوژین و دوو منداڵه‌که‌ی گیانیان له‌ده‌ست داوه‌ .
ناوبراو له‌ساڵی 2009 له‌لایه‌ن سیخوڕانی وه‌زاره‌تی ئیتلاعاتی ناوچه‌که‌ به‌ تۆمه‌تی هاوکاری پارتی ژیانی ئازادی کوردستان ( PJAK ) له‌لایه‌ن هێزه‌ ئه‌منیه‌کانی ئێران ده‌ستگیر ده‌کرێت .
دادگای شۆڕشی شاری خۆی له‌پارێزگای ورمێ ( ئیلهام مامه‌دی )یان به‌ تۆمه‌تی هه‌وڵدان له‌دژی ئاسایشی نه‌ته‌وه‌یی و پڕۆپاگه‌نده‌ بۆ PJAK سزای له‌سێداره‌ی به‌سه‌ردا سه‌پاند . پارێزه‌ری ناوبراو رایگه‌یاندووه‌ ، سزای له‌سێداره‌ی ئه‌و گیراوی سیاسی ئه‌مساڵ‌ دوای پێداچوونه‌وه‌ به‌ دۆسیه‌که‌ی گۆڕدرا بۆ ( 25 ) ساڵ‌ زیندان .
به‌ پێی ئه‌و زانیاریانه‌ی به‌ده‌ستخراون ئیلهام مامه‌دی شه‌وی هه‌ینی له‌به‌ندی گشتی زیندانی سه‌ڵماس ده‌رخراوه‌و بۆ شوێنێکی نادیار گوازراوه‌ته‌وه‌ . سه‌ر له‌به‌یانی رۆژی شه‌ممه‌ به‌ بنه‌ماڵه‌که‌ی راگه‌یه‌ندراوه‌ که‌ ته‌رمی کوڕه‌که‌یان له‌گۆڕستانێکی له‌سه‌ر رێگای سه‌ڵماس ـ ورمێ به‌ خاکسپێردراوه‌ .
به‌ بڵاوبوونه‌وه‌ی ئه‌و هه‌واڵه‌ که‌سوکاری ناوبراو و ژماره‌یه‌کی زۆر له‌خه‌ڵکی سه‌ڵماس که‌ زۆرتریان ژن بوون ده‌یانه‌وێت ره‌زا ئیسماعیلی بۆ به‌خاکسپاردنی ببه‌نه‌ گوندی دێرک به‌ڵام رووبه‌ڕووی ئاسته‌نگی چه‌کداره‌کانی ئیداره‌ی ئیتلاعات و سوپای پاسداران ده‌بنه‌وه‌ .
دوای ته‌شه‌نه‌ کردنی تووڕه‌بوونی خه‌ڵک و ده‌ربڕینی ناڕه‌زایه‌تی ، کاربه‌ده‌ستانی ئه‌منی به‌ گواستنه‌وه‌ی ته‌رمی ره‌زا ئیسماعیلی بۆ گوندی دێرک به‌ مه‌رجی ئه‌وه‌ی هیچ مه‌راسیمێکی بۆ رێکنه‌خه‌ن، په‌سه‌ند کرد . له‌کاتی ده‌رخستنی ته‌رمه‌که‌دا پێکهه‌ڵپرژان له‌نێوان هێزه‌ ئه‌منیه‌کان و خه‌ڵکی ئاماده‌ هاته‌ ئاراوه‌و هێزه‌ئه‌منیه‌کان به‌ شێوه‌یه‌کی دڕنده‌ هێرشیان کرده‌ سه‌ر هاوڵاتیان .
سه‌رچاوه‌کانی هه‌واڵ رایانگه‌یاندوه‌ که‌ هێزه‌کانی ئه‌منی ده‌ستووریان به‌ خه‌ڵکی گونده‌که‌ نه‌داوه‌ له‌مزگه‌وتی گونده‌که‌دا کۆببنه‌وه‌ .
راگه‌یه‌ندراوه‌ له‌کاتی شۆردنی ته‌رمی ئیلهام مامه‌دی شوێن په‌نجه‌ی ئه‌شکه‌نجه‌ی به‌ر له‌سێداره‌ به‌جسته‌یه‌وه‌ بینراوه‌ .
به‌ پێی ئه‌و زانیاریانه‌ی به‌ده‌ستخراون دوێنێ له‌سه‌رتاسه‌ری شاری سه‌ڵماس و ده‌وروبه‌ری قه‌ده‌خه‌ی گشتی راگه‌یه‌ندراوه‌و هێزه‌کانی سه‌رکوتکاری رژێم له‌ترسی سه‌رهه‌ڵدانی خه‌ڵک له‌ئاماده‌باشی دا بوون .

27/10/2013

بەپێی ئەو زانیارییانەی کە بە ئاژانسی هەواڵدەریی کوردپا گەیشتوون، هاوکات لەگەڵ لەسێدارە درانیحەبیبوڵڵا گوڵپەری پوور، زیندانییەکی سیاسیی دیکەی کورد بەناوی "رەزا ئیسماعیلی(مامەدی)" تەمەن ٣٤ ساڵ و خەڵکی ناوچەی سەڵماس لەزیندانی ئەو شارە لەسێدارە دراوە.

دەگوترێت کە تەرمی رەزا ئیسماعیلی بەبێ ئاگاداریی بنەماڵە و پارێزەرەکەی لە گۆڕستانی شاری سەڵماس بە خاک سپێردراوە و دواتریش بنەماڵە و کەسووکاری ئەو زیندانییە سیاسییە، تەرمی رۆڵەکەیان لە گۆڕ هێناوەتە دەر و بۆ گوندی "دێرک"یان راگواستووە.

رەزا ئیسماعیلی خەڵکی گوندی "دێرک"ی سەربە شاری سەڵماس لەمانگی پووشپەڕی ساڵی ١٣٨٨ی هەتاویدا لەلایەن ‌یزە ئیتلاعاتییەکانەوە دەستبەسەر و دواتر لەلایەن دادگای ئینقلابی شاری "خۆی"یەوە حوکمی سێدارەی بۆ بڕایەوە.

هەنووکە ناوچەی سەڵماس بەهێزێکی زۆری نیزامی میلیتاریزە کراوە و هاووڵاتییانی شاری سەڵماس لەبەر دەم فەرمانداریی ئەو شارە کۆبوونەوەی ناڕەزایەتییان پێک هێناوە.

هەتا ئێستا ژومارەی زیندانییانی سیاسیی لەسێدارە دراوی شەوی رابردووی زیندانی ناوەندیی شاری ورمێ ئاشکرا نەبووە.

kurdpa

27/10/2013

^{وەزیری رۆشنبیری کابینەی حەسەن رووحانی، سەرۆک کۆماری ئێران، رایگەیاندووە: پێداچوونەوە بە دۆسیەی دەزگاکانی چاپ و پەخشی کتێب دەکەن، کە لە سەردەمی سەرۆکایەتی مەحموود ئەحمەدی نەژادی سەرۆک کۆماری پێشوو، کارکردنیان هەڵپەسێردرابوو،  هەندێک لە بەرپرسانی دەزگاکانی چاپ و پەخشیش دەڵێن: بە کردار هیچیان نەبینیوە و لە ئێران جگە لە کتێب، ئینتەرنێت و مۆسیقا و سینەماش لە کەشێکی داخراودان. ئاژانسی هەواڵی میهری ئێرانی لە زمان بەرپرسی بەشی کتێبی وەزارەتی رۆشنبیری ئێرانەوە، واتە وەزارەتی فەرهەنگ و ئیرشادی ئیسلامی، رایگەیاندووە: "پێداچوونەوە دەکەن بە دۆسیەی ئەو دەزگایانەی چاپ و پەخشی کتیب، کە لە سەردەمی سەرۆکایەتی مەحموود ئەحمەدینەژاد، کارکردنیان هەڵپەسێردرابوو." هەندێک لە بەرپرسانی ئەو دەزگایانەی چاپ و پەخش، بە گەشبینییەوە لەو بڕیارە دەڕوانن و لە لێدوانیان بۆ راگەیاندنەکان، پێیانوایە کابینەی حەسەن رووحانی پێدەچێت هەوڵ بۆ نەهێشتنی کەشی دژە کەلتووریی، سەردەمی ئەحمەدی نەژاد بدات و پێداچوونەوەیەک بە دۆخی ناهەمواری چاپ و پەخشی کتێب بکات لە ئێراندا. وەزیری فەرهەنگ و ئیرشادی ئیسلامی، پێشتر لە کۆنفرانسێکی رۆژنامەنووسیدا، باسی لە کرانەوەی کەشی کتێب و چاپەمەنی کردبوو و رایگەیاندبوو: "بە دڵنیاییەوە روانینی کابینەی رووحانی بەرامبەر بواری کتێب و چاپەمەنی، بەراورد بە کابینەی رابردوو روانینێکی جیاواز دەبێت." رەخنەگرانی سیاسەتەکانی حکومەتی ئەحمەدی نەژاد، بەردەوام تۆمەتباریان دەکرد بەوەی بە چاوێکی ئەمنی بۆ بواری کتێب و چاپەمەنی دەڕوانێت. ئەمە لە کاتێکدا، عەلی جەنەتی وەزیری فەرهەنگ و ئیرشادی کابینەی رووحانی بە تەوسەوە، سەبارەت بە کەشی زاڵ بە سەر بواری کتێب و چاپەمەنی ئێراندا، وتوویوتی: ئەگەر قورئان کتێبی پیرۆزی مسوڵمانان و سرووشی پەروەردگار نەبوایە، ئەدیتۆرەکانی وەزارەتی فەرهەنگ و ئیرشادی ئیسلامی رەتیان دەکردەوە. بەڵام سەرەڕای ئەم قسانە، هەندێک لە بەرپرسانی دەزگاکانی چاپ و پەخش دەڵێن: تا ئێستا بە کردار هیچیان نەبینیوە و تەنانەت بۆ بینینی وەزیر وەڵامیان نەدراوەتەوە و ئەوە تەنیا بواری کتێب نییە کە بەرەوڕووی سانسۆر و هەڵپەساردن و کۆسپنانەوە دەبێتەوە، لە ئیران ئینتەرنێت و مۆسیقا و سینەماش لەو کەشە داخراوە بێبەش نەکراون.}

^27/10/2013

لێكۆڵینەوەیەك كە توێژەران ئەنجامیانداوە گەیشتووەتە پوختەی ئەوەی كە ئەو كەسانەی هاوڕێی زۆریان هەیە پێویستە لێهاتوویی مەعریفی زیاتر بەكاربێنن بۆ ئەوەی تێبگەن بەرامبەرەكانیان چۆن بیر دەكەنەوە. 

بەڵام ئەمە ئەو پەیوەندییانە ناگرێتەوە كە لە رێگەی ئینتەرنێتەوە دروست دەبێت.

زانایان بۆیان دەركەوت پەیوەندی لە نێوان ژمارەی هاوڕێكانی كەسێك و قەبارەی مێشكی ئەو كەسەدا هەیە بە تایبەت لەو ناوچەیەدا كە راستەوخۆ دەكەوێتە سەر چاوەكان.

توێژینەوەكە بۆ یەكەمجار ئاشكرای كردووە كە قەبارەی مۆخی مرۆڤێك پلەی لێهاتووییە كۆمەڵایەتییەكانی دیاری دەكات.

رۆژنامەی دەیلی تەلەگرافی بەریتانی لە زاری پرۆفیسۆر رۆبن دنباری سەرۆكی توێژەرەكانی گواستەوە كە توێژینەوەكە بۆی دەركەوتووە كە ئەو كەسانەی بازنەیەكی فراوانتری هاوڕێیان هەیە، توانا و لێهاتوویی مێشكیان زیاترە.

هەروەها گوتی: تێگەیشتن لە پەیوەندی نێوان قەبارەی مێشكی تاك و ژمارەی هاوڕێكانی یارمەتیدەرە بۆ تێگەیشتن لە ئالیەتی دروستبوونی مۆخی گەورە لای كەسەكان بە بەراورد بە كەسانی تر.

پرۆفیسۆرەكە هەروەها روونی كردەوە كە پشكنینی بەشی پشت چاوی مۆخ دەریخستووە لە ماوەی نیو ملیۆن ساڵی رابردوودا گەورەبوون لەو ناوچەیەی مێشكدا رووی داوە و روونی كردەوە كە كات و تێكەڵبوون و جوگرافیا و رەگەز كاریگەرییان لەسەر ژمارەی هاوڕێیان مرۆڤێكەوە هەیە.

هەروەها رونی‌كردەوە كە توێژینەوەی ئەنجامدراو لەلایەن تیمەكەیەوە گەیشتووەتە بوونی پەیوەندی لە نێوان توانای تاكەكەس و خوێندنەوەی ئەوەی كەسانی تر بیری لێدەكەنەوە لەگەڵ فراوانی تۆڕی پەیوەندییە كۆمەڵایەتییەكانی.

توێژینەوە لە چوارچێوەی توێژینەوەیەكی فراواندا ئەنجامدرا لەسەر 40 كەس كە زانایان وێنەی شیكارییان بۆ مێشكیان گرت لە پێناو پێوانەكردنی قەبارەی توێكڵی بەشی مۆخیان كە تایبەتە بە بیركردنەوە و بەرەوپێشچوون.

سەرچاوە: جەزیرە نێت

ئا: زانیار نوری

27/10/2013

^{بەرپرسانی سوپای پاسدارانی ئێران دژایەتی خۆیان بۆ ئاسایی کردنەوەی پەیوەندییەکانی نێوان وڵاتەکەیان و رۆژئاوا دەربڕیوە. سوپای پاسداران بەوە تۆمەتبارە کە قازانجی زۆر دەکات لە گەمارۆ ئابوورییەکانی رۆژئاوا لەسەر ئێران. گەمارۆ ئابوورییەکانی رۆژئاوا لەسەر ئێران بۆ هەموو لایەنەکان خراپ نەبووە. دەگوترێ سوپای پاسداران لەو گەمارۆیانە قازانجی زۆری دەستکەوتووە. یەکەم کەس کە پەردەی لەسەر ئەو نهێنییە هەڵدایەوە، سەرۆکی پێشووی پەرلەمانی ئێران "مەهدی کەروبی" بوو. ئەو رایگەیاند "گەمارۆکان قازانجی زۆری بۆ سوپای پاسداران هەیە". لە ماوەی سەرۆکایەتی مەحمود ئەحمەدی نەژاد گوشارە نێودەوڵەتییەکان لەسەر ئێران چڕتر بۆوە. زۆربەی کۆمپانیا نێودەوڵەتییەکانیش لە ئێران کشانەوە و زۆربەی پرۆژە ئابوورییە گەورەکان بە قەرارگای خاتم الانبیا سپێردران کە گەورەترین کۆمپانی سوپای پاسدارانە و بە فەرمانی رێبەری کۆماری ئیسلامی ئێران دامەزراوە. ئەو قەرارگایە بە کۆنترۆڵکردنی جەمسەرەکانی ئابووری ئێران و نەهێشتنی کێبرکێی بەشی تایبەت تۆمەتبار دەکرێت. ساڵی 2010 گەورەترین گرێبەست لە مێژووی پیشەسازی نەوتی ئێران درایە کۆمپانیایەکی سەر بە سوپا. گرێبەستێکی ٢١ ملیار دۆلاری بۆ گەشەپێدانی گۆڕەپانی گازی پارسی جنوبی. بەرپرسانی سوپای پاسدارانی ئێران دژایەتی خۆیان بۆ ئاسایی کردنەوەی پەیوەندییەکانی نێوان وڵاتەکەیان و رۆژئاوا دەربڕیوە. سوپای پاسداران بەوە تۆمەتبارە کە قازانجی زۆر دەکات لە گەمارۆ ئابوورییەکانی رۆژئاوا لەسەر ئێران. گەمارۆ ئابوورییەکانی رۆژئاوا لەسەر ئێران بۆ هەموو لایەنەکان خراپ نەبووە. دەگوترێ سوپای پاسداران لەو گەمارۆیانە قازانجی زۆری دەستکەوتووە. یەکەم کەس کە پەردەی لەسەر ئەو نهێنییە هەڵدایەوە، سەرۆکی پێشووی پەرلەمانی ئێران مەهدی کەروبی بوو. ئەو رایگەیاند "گەمارۆکان قازانجی زۆری بۆ سوپای پاسداران هەیە". لە ماوەی سەرۆکایەتی مەحمود ئەحمەدی نەژاد، گوشارە نێودەوڵەتییەکان لەسەر ئێران چڕتر بوونەوە. زۆربەی کۆمپانیا نێودەوڵەتییەکانیش لە ئێران کشانەوە و زۆربەی پرۆژە ئابوورییە گەورەکان بە قەرارگای خاتم الانبیا سپێردران، کە گەورەترین کۆمپانی سوپای پاسدارانە و بە فەرمانی رێبەری کۆماری ئیسلامی ئێران دامەزراوە. ئەو قەرارگایە بە کۆنترۆڵکردنی جەمسەرەکانی ئابووری ئێران و نەهێشتنی کێبرکێی بەشی تایبەت تۆمەتبار دەکرێت. ساڵی 2010 گەورەترین گرێبەست لە مێژووی پیشەسازی نەوتی ئێران درایە کۆمپانیایەکی سەر بە سوپا. گرێبەستێکی ٢١ ملیار دۆلاری بۆ گەشەپێدانی گۆڕەپانی گازی پارسی جنوبی. هەروەها بەپێی راپۆرتێکی ماڵپەڕی بازتابی ئێران "داهاتی گەمارۆکان بۆ ئەو کەسانەی گەمارۆکان دەور لێدەدەنەوە، ساڵانە نزیکەی 13 هەزار ملیارد دۆلارە". سوپای پاسداران دەور لێدانەوەی گەمارۆکان بەیەکێک لە ئەرکە گرینگەکانی خۆی دەزانێ. هاوپەیامی ئەحمەدی نەژاد و سوپا تاوەكو سەر نەبوو. ئەحمەدی نەژاد لە کۆتاییەکانی ساڵی 2011 ئەندامانی سوپای پاسدارانی بە "برایانی قاچاخچی" نێو برد. ئاماژەی بەوەشدا کە سوپا لە بەندەرەکانی باشووری ئێران بە قاچاغ شتومەک دێنێتە نێو ئێران. وەزیری ناوخۆی ئێرانیش مانگی رابردوو رایگەیاند "کەلوپەلی قاچاخ بە کامیۆن هاوردە دەکرێ". هەروا گوتی، بەستنەوەی قاچاخ بە دانیشتووانی سەر سنوور بەهانەیە. گەمارۆکانی سەر ئێران گەورەترین کاریگەری نەرێنی لەسەر ژیان و بژێوی رۆژانەی خەڵک هەبووە. کابینەی نوێی حکومەتی ئێرانیش بە دروشمی لابردنی گەمارۆکان متمانەی دەنگدەرانی بەدەستهێناوە. بۆ گەیشتن بەو ئامانجەشی جگە لە دانوستان لەگەڵ رۆژئاوا، دەبێ بەرەوڕووی لایەنەکانی دەسەڵاتی ناوخۆی ئێرانیش بێتەوە. هەروەها بەپێی راپۆرتێکی ماڵپەڕی بازتابی ئێران "داهاتی گەمارۆکان بۆ ئەو کەسانەی گەمارۆکان دەور لێدەدەنەوە، ساڵانە نزیکەی 13 هەزار ملیارد دۆلارە".سوپای پاسداران دەور لێدانەوەی گەمارۆکان بەیەکێک لە ئەرکە گرینگەکانی خۆی دەزانێ. هاوپەیامی ئەحمەدی نەژاد و سوپا هەتا سەر نەبوو. ئەحمەدی نەژاد لە کۆتاییەکانی ساڵی 2011 ئەندامانی سوپای پاسدارانی بە "برایانی قاچاغچی" نێو برد. ئاماژەی بەوەشدا کە سوپا لە بەندەرەکانی باشووری ئێران بە قاچاغ شتومەک دێنێتە نێو ئێران.  وەزیری نێوخۆی ئێرانیش مانگی رابردوو رایگەیاند کەلوپەلی قاچاغ بە کامیۆن هاوردە دەکرێ. هەروا گوتی بەستنەوەی قاچاغ بە دانیشتووانی سەر سنوور بەهانەیە. گەمارۆکانی سەر ئێران گەورەترین کاریگەری نەرێنی لەسەر ژیان و بژێوی رۆژانەی خەڵک هەبووە. کابینەی نوێی حکومەتی ئێرانیش بە دروشمی لابردنی گەمارۆکان متمانەی دەنگدەرانی بەدەستهێناوە. بۆ گەیشتن بەو ئامانجەشی جگە لە دانوستان لەگەڵ رۆژئاوا، دەبێ بەرەوڕووی لایەنەکانی دەسەڵاتی نێوخۆی ئێرانیش بێتەوە.}

^rudaw

^26/10/2013

دوای ئەوەی كە كۆبوونەوەكانی ڕابردوو لە لوبنان و ڕووسیا بەرێوەچوون لە ئێستادا كۆبوونەوەی دەوری حزبە شیوعی و كرێكاری و چەپەكانی ڕۆژهەڵاتی ناوەڕاست بە بەشداریی ١٤ حزب و رێکخراو لە شاری هەولێر بەرێوەدەچێت. 

تەها سلێمان ئەندامی سەركرداتی حزبی شیوعی كوردستان گوتی: بۆیەكەمجارە ئەم كۆبوونەوەیە لە كوردستان ئەنجام دەدرێت و ناوەڕكی كۆبوونەوەكە بریتییە لە گفتوگۆکردن لەسەر پرسی كاری سەندیكایی و رێكخراوەكانی كۆمەڵگەی مەدەنی و چەسپاندن و بەرجەستەکردنی دیموكراسی لە ڕۆژهەڵاتی ناوەڕاست و كاركردن بۆ دانانی ڕێگاچارەی گرفتی بەردەم پرۆسەی سیاسی و دیموكراسی.

هەروەها گوتیشی لەم كۆبوونەوەیە 14 حزبی شیوعی و كرێكاری و چەپ لە 12 وڵاتی ڕۆژهەڵاتی ناوەڕاست بەشدارییان تێدا كردووە و ساڵانەش ئەم كۆبوونەوانە بە دەوری بەردەوام دەبن.

سەعید عەبدوڵا/م.ش

26/10/2013

^{مەسعود بارزانی سەرۆکی ھەرێمی کوردستان پێشوازی لە ژمارەیەک نوێنەری پارتە شیوعی و چەپەکانی عێراق و لوبنان و فەڵەستین و ئۆردۆن و سودان و مسر و چەند وڵاتێکی دیکەی عەرەبی کرد لە دیدارەکەدا سەرۆکی ھەرێم گوتی شانازیی بەوە دەکەم تاکێکم لەو گەلەی کولتووری لێبووردەیی ھەیە و ھەرگیز پەنای بۆ تۆڵەسەندنەوە و توندڕۆیی نەبردووە.} 

^{لە دیدارەکەدا سەرەتا حەمید مەجید مووسا سەرۆکی حزبی شیوعیی عێراقی بە نوێنەرایەتیی شاندی ھاوبەشی پارتە شیوعی و چەپەکانی وڵاتانی عەرەبی پەیڤێکی پێشکەش کرد و سوپاسی ڕەخساندنی دیدار لەگەڵ سەرۆک بارزانی کرد و لە درێژەی قسەکانیدا ئەزموونی ھەرێمی کوردستان لە گەشەسەندن و ئاساییش و دیموکراسی بە ئەزموونێکی سەرکەوتوو و نموونەیی وەسف کرد و سەبارەت بە بارودۆخی خەراپی وڵاتانی ناوچەکە ئاماژەی بەوەدا کە ڕژێمەکان بەرپرسی یەکەمن لە نەبوونی خەدەمات و بێبەشبوونی ھاووڵاتیان و ھەژاری و گەندەڵی ھەرچەندە کە ئێمە خاوەنی سەرەوت و سامانێکی مرۆیی و سرووشتیی زۆرین. حەمید مەجید مووسا باسی ئەوەشی کرد کە بەرپرسیارێتی لەسەر شانی ھەموومانە بۆ ئەوەی پێکەوە کار بکەین ھەتا گەلان بتوانن کۆمەڵگەیەکی مەدەنیی دوور لە توندڕۆیی و دەمارگیری بنیات بنێین.}

^{ھەر لەو کۆبوونەوەیەدا ژمارەیەک لە ئەندامانی شاندەکە وتەیان پێشکەش کرد و تێیدا دەستخۆشییان لە پێشڤەچوون و گەشەسەندنی ھەرێمی کوردستان کرد و ھێمایان بەوەدا کە ئەو ئازادی و ئاساییش و دیموکراسییەی لێرەدا ھەیە ھیچ کات ناھێتەدی مەگەر لە سایەی سەرکردایەتێکی سیاسیی دڵسۆز و شارەزا نەبێت. ھەروەھا ئاماژەیان بەوەدا کە ئەوان لە دوورەوە بە وردی چاودێریی بارودۆخی ھەرێمی کوردستان دەکەن و بەڕوونی سەرکەوتنی دیموکراسی و ھەڵبژاردن و فرەلایەنی و سەرکەوتنی ئاساییش و گەشەسەندن لە ھەرێمی کوردستاندا دەبینین.}

^{لە بەرانبەردا سەرۆک بارزانی وێڕای بەخێرھێنانی شاندی میوان سوپاسی ھەڵوێستی ئامادەبووانی کرد و ئەم دیدارەی بە دەرفەتێک زانی بۆ ئەوەی ئاگاداری بارودۆخی ھەرێم بن و سوودیش لە گۆڕینەوەی بۆچوونەکان وەربگیرێت.}

 ^{دواتر سەرۆک بارزانی لەبارەی بارودۆخی سیاسی کوردستان و ناوچەکە وتەیەکی پێشکەش کرد و سەبارەت بە سەرکەوتوویی ئەزموونی ھەرێمی کوردستان سەرۆک بارزانی گوتی: "ئەزموونی ئێمە سەلماندی کە ئەگەر پشت بە ئیرادە و تواناکانی گەلەکەمان ببەستین سەرکەوتوو دەبین و لە ھەر شوێنێک ئەگەر لە پڕۆسەی سیاسیدا چاو لە یارمەتیی خەڵکی دیکە بێت ئەوە ئەنجامەکەی شکست دەبێت". سەرۆک بارزانی لە درێژەی قسەکانیدا ئاماژەی بەوەدا کە گەلی کوردستان بەھایەکی قورسی داوە بەڵام ئەنجامی ھەبووە و ئازادیی وەدەستھێناوە.}

 ^{پەیوەست بە ئەدای سیستەمە سیاسییەکانیش سەرۆک بارزانی سەرکەوتوویی حکوومەتەکانی بە بوونی متمانەی گەل بەستەوە و گوتی: " ھەرچەندە نیزامێک بەھێز و باڵادەست بێت بەڵام ئەگەر متمانەی گەلەکەی لەپشت نەبێت دەڕووخێت". سەرۆک بارزانی لە پەیڤەکەیدا ھیمای بە بوونی گیانی تەبایی و لێبووردەیی لەنێو گەلی کوردستانی کرد کە مێژووییەکی دوورودرێژی ھەیە و بووەتە کولتوورێکی دەوڵەمەند و گەلی کوردستان قەت پەنای بۆ توندوتیژی و تۆڵە نەبردووە تەنانەت لە دژی دوژمنەکانیشی و ئەوەی بۆ میوانەکان باس کرد کە " شانازیی بەوە دەکەم تاکێکم لەو گەلەی کولتووری لێبووردەیی ھەیە و ھەرگیز پەنای بۆ تۆڵەسەندنەوە و توندڕۆیی نەبردووە".}

^pna

^25/10/2013

^{دەزگای هەواڵگریی ئەڵمانیا ژمارەی ئەو ئەڵمانیانەی، كە بەمەبەستی جیهاد و شەڕ دژی رژێمی سو‌وریا روویانكردووەتە ئەو وڵاتە و سەربازگەیان لە باكووری ئەو وڵاتە داناوە، بە 200 كەس مەزندە دەكات. ئەو وڵاتانەشی كە هاونیشتمانیانیان بۆ شەڕ روویان لە سو‌وریا كردووە، مەترسی ئەوەیان هەیە دوای تەواوبوونی شەڕ تووندوتیژییەكان بگوازنەوە وڵاتەكانی خۆیان. دەسەڵاتدارانی ئەڵمانیا مەزندە دەكەن هەزار كەس لە وڵاتە جیاجیاكانی ئەورووپاوە روویان كردبێتە سو‌وریا بۆ جیهاد و شەڕ  دژی رژێمی ئەسەد، كە 250 كەسیان لە كۆتاییەكانی 2012 رۆیشتوون، لە نێوانیاندا 90 بەریتانی و 120 بەلجیكی و 50 دانیماركی و 150 كۆسۆڤی هەن. بەگوێرەی راپۆرتی ئۆفیسی پاراستنی دەستووری ئەڵمانیا، 200 كەسی ئیسلامی تو‌وندڕەوی ئەڵمانی لە سەرانسەری ئەڵمانیا روویانكردووەتە سو‌وریا و لە باكووری ئەو وڵاتە سەربازگەیەكی تایبەتی ئیسلامییە ئەڵمانەكانیان دروستكردووە، بەگوێرەی نوێترین ئامارەكانی دەزگای هەواڵگری ئەڵمانیاش،  تاوەكو ئێستا 8 ئەڵمانی لە شەڕەكانی سو‌وریا كوژراون.  گۆڤاری دێر شبیگڵی ئەڵمانی، بە پشتبەستن بە راپۆرتێكی نهێنی 71 لاپەڕەیی، ئاشكرایكرد بەسەدان هەزار یۆرۆ كۆكراوەتەوە بۆ كۆمەكی ئۆپۆزیسیۆنی سو‌وریا بۆ كڕینی چەك و ئامادەكردنی جیهادییەكان بۆ رەوانەكردنیان بۆ سو‌وریا و شەڕی دژی ئەسەد، كە زۆربەشیان خەڵكی ویلایەتی باكووری راین و ستفالیان و بەشێكی دیكەشیان خەڵكی ویلایەتەكانی هیس، بەرلین، بافاریا و هامبۆرگن. گر‌ووپە چەكدارە ئۆپۆزیسیۆنەكانی سو‌وریا، جیهادییە ئەڵمانەكان زۆر بە گونجاو دەزانن بۆ كردە خۆكوژییەكان، چونكە نە لە شەڕی چەكداری شارەزاییان هەیە، نە زمانی عەرەبیش دەزانن. ئەڵمانیا مەترسی ئەوەی هەیە، جیهادییە ئەڵمانەكان بەڕێگای ئینتەرنێت بتوانن خەڵكێكی زیاتر بڕواپێبهێنن، كە بۆ جیهاد روو بكەنە سو‌وریا و دوای كۆتاییهاتنی شەڕ و گەڕانەوەشیان بۆ ئەڵمانیا، تووندوتیژی لەنێو كۆمەڵگەی ئەڵمانی بڵاوبكەنەوە و ببنە هەڕەشە بۆ سەر ئاسایشی ئەڵمانیا.}

^24/10/2013