شێعرێگ لەکی ئەڕا پشتیوانی لە ڕفراندوم باشوور کوردستان.ئێ شێعرە هەوجەس باس بوو لە سفارش و پێشنیار بەندە(سەردار زەنگنە)لە یەکێ وە شاعرەیل تەواناێ لەک بی کە ئەو شاعر بزرگواروقڵەم وە دەس توانا جۆر یە رساڵەت ملی لە رفراندوم پشتیوانی کردو وە شوورو شەوق ئێ شێعرە وەت و کل کردو لە خاتر بڕێگ شرایت خاستر زانست کە ناوێ ناریم وتەنیا جۆردەربڕین هەست نەتەوەیی خەڵک خوارین کوردستان و پشتیوانی و دڵخۆشی لە ڕفراندوم بڵاو بوود.
ناوی شێعرەکە "بەڵێ ڕفراندۆم یا حەق چارەنووس"
ــــــــــــــــــــــــــــــــــــــــ
مەخوەنم وە سۆز ڤە دڵ و ڤە گیان
وە ناخ زەخمی سینەێ پڕ ئەژ ژان
وە دەنگ بەرزێ تا خاڵ ئاسمان
وە ئیلام نەمر وە دڵ کرماشان
"بەڵێ ڕفراندۆم،بژی کوردستان"*
هەر ڤە (کەنگەڤەر)،(سەحەنە)و(هەرسین)
(سەرپێڵ)و(شاباد)،تا(قەسر شیرین)
(گەهوارە)و(کولیای)،(ئیلام )دیرین
مەچڕم مۆشم: تا نەمرێ ژیان
"بەڵێ ڕفراندۆم،بژی کوردستان"*
ڕۆژی خۆشیە ،ڕۆژی چارە نووس
ئەی کورد!دی هێزگر،هەی کورد بێ دەنگ نووس
گشت گیانت دەنگ بوو لە ڕەگ و لە پووس
بسین حەق وژت ئنسانی ئنسان
"بەڵێ ڕفراندۆم ،بژی کوردستان"*
کوردستان بژی،هایمە پشتد گشت
دەس برای بگریم، پشتمان بەیمە پشت
گشتمان یەکێگیم،مانەیمە یەک مشت
کورد هەر کوردەو یەێ ڕۆحەو یەێ گیان
"بەڵێ ڕفراندۆم،بــــژی کوردستان"*
تاکەێ زوڵم وزۆر؟تاکەێ ئاخ وداخ ؟
بچمە شوون وەهار وە بۆسان و باخ
وە بەرزای (پەڕاو) وە ڕاخ ووە شاخ
شەکانن ئاڵا وە ڕۆژەیل بانان
"بەڵێ ڕفراندۆم،بژی کوردستان"*
تاکەێ چەمەڕێ؟ئەی کوردستانم
لەکم،گۆرانم،کورد کرماشانم
داخ وزام کورد ها کووڵ وشانم
بنچینەێ کوردم دایەێ نیشتمان
"بەڵێ ڕفراندۆم ،بژی کوردستان"*
چوار قاچێکە دونیا کوردستان
ئەگەر من نەومە ڕۆڵەێ نیشتمان
یەێ لاێکێ کەمە ،وڵات بێ نیشان
من هەر کوردم و مۆشم بێ وچان
"بەڵێ ڕفراندۆم،بژی کـــوردستان"*
دلسۆز
2/8/2017
