^{بەرێزان ئەندامانی سەرکردایەتی، کادیر و ئەندامان، لایەنگران و جەماوەری خۆشەویستی حیزبی زەحمەتکێشانی کوردستان}

^{بزووتنەوەی كۆماریخوازانی رۆژهەلاتی كوردستان، بەبۆنەی یادی 35مین ساڵرۆژی دامەزراندنی پارتەکەتان، حیزبی زەحمەتکێشانی کوردستان، پر بە دڵ و بەگەرمی پیرۆزباییتان ئاراستە دەکا.}

^{حیزبی زەحمەتکێشانی کوردستان وەک جەریانێکی چەپی پێشکەوتنخواز و عەدالەت تەوەر و ئاشتیخوازی نەتەوەیی، كە لە ماوەی 35 ساڵی تەمەنی پر لە سەروەری و تێکۆشانی دا، لە خەبات لەپێناو دەستەبەركردنی مافی دیاریکردنی چارەنووس، یەکسانی و دادپەروەری، هاوژینی بە ئاشتی و دیاڵۆگی ئاشتەوایی و هەروەها لە تێکۆشان و هەوڵدان بۆ کۆتایی هێنان بە هەرجۆرە چەوساندنەوەیەکی نەتەوایەتی، چینایەتی، رەگەزی، بەحەق هەنگاوی بەکردەوەی هەڵگرتووە و تا ئاستێکی بەرچاو رەچەشکێن و پێشەنگ بووە و رۆڵی ئەرێنی گێراوە، و لەمێژووی خۆیدا لاپەرەی پرشنگدار و زێرینی تۆمار کردوون کە بۆ هەموو گەلی کورد و ئازادیخوازان ئەزموون و دەستکەوتی بەنرخن.}

^{وەک بزووتنەوەی کۆماریخوازانی رۆژهەڵاتی کوردستان هیوادارین لە ئەرک و کاروتێکۆشانی نەتەوەیی و حیزبیتان دا بە مەبەستی زیاتر دەستەبەرکردنی ئاشتی و ئازادی، دادپەروەری و باشبژێوی، دیالۆگی ئاشتەوایی و یەکگوتاری ناوماڵی کورد لە چواربەشی کوردستان هەردەم بەروپێشەوە هەنگاو بنێن.}

^{بێ گومان بە یەکگرتووی دەتوانین زیاتر ئەزموون و دەستکەوتە مێژوویەکانی کورد بپارێزین و کەشتی کورد لەم زریانە پرقەیرانە بگەیەنینە کەناراوی هێمنی و ئارامی و دڵنیایی و بەختەوەری، بۆیە ئاواتمان بەرەپێشچوونتانە و هیوای سەرکەوتن و سەرفەرازیتان بۆ دەخوازین.}

^{سەرکەوێ دیاڵۆگی ئاشتەوایی و یەکگوتاری ناوماڵی کورد و هاوپەیوەندی نەتەوەیی.}

^{لەگەڵ رێزمان دا}

^{بزووتنەوەی کۆماریخوازانی رۆژهەڵاتی کوردستان}

٢٤ی سەرماوەزی ٢٧٢٠ی کوردی

١٤ی دیسامبەری ٢٠٢٠ی زایینی