^{جەواد زەریف: ئەوەی كاری تێكدەرانە دەكات ئەمریكایە كە لە دووریی 6 هەزار میلەوە هاتوەتە ناوچەكە}

^{وەزیری دەرەوەی ئێران، ئامادەیی وڵاتەكەی بۆ دانوستان لەگەڵ وڵاتانی كەنداو، نیشان دەدات.}

^{محەمەد جەواد زەریف وەزیری دەرەوەی ئێران، لە میانی گفتوگۆیەكی لەگەڵ كەناڵی پی بی ئێسی ئەمریكی ڕایدەگەیەنێت: تاران ئامادەیە بۆ گفتوگۆ لەگەڵ وڵاتانی كەنداو لەهەر كات و ساتێكدا بێت، سەبارەت بە ئەمریكاش ڕایدەگەیەنێت: وڵاتەكەی كاری تێكدەرانەی نەكردوەو ئەوەی كە پێشێلكاریی دەكات، ئەمریكایە، چونكە ئەمریكا لە دووریی شەش هەزار میلەوە هاتۆتە ناوچەكەیان و كاری تێكدەرانە دەكات.}

^{لە بەشێكی تری قسەكانیدا، زەریف پرسیاری ئەوە دەكات كە ئایا لە دوای ساڵی 2016 وە هیچ كودەتایەك لە ئەمریكا ڕویداوە تا سەرجەم ڕێككەتنەكان كە مەبەست لێی ڕێككەوتنی ئەتۆمی ئێرانە، هەڵبوەشێتەوە.}

^{ئەم لێدانەی وەزیری دەرەوەی ئێران لە میانی گەشتێكی هەفتەیی بوو بۆ ئەمریكاو ژمارەیەك لە وڵاتانی وەك ڤەنزوێلاو نیكاراگواو پۆلیڤیا، ئێوارەی دوێنێش كۆتایی بە گەشتەكەی هێناو گەڕایەوە تاران.}

20/7/2019