^{بۆردوومانکردنی ناوچە سنوورییەکانی باشووری کوردستان لەلایەن ئێران و تورکیاوە زیاتر بووە. ئەوەش بووەتە هۆی ئەوەی زیانی گیانی و ماڵی بە خەڵكی گوندەکانی سنوور بگات و بەشێكی گوندەکانیش لە ترسی بۆردوومان چۆڵکراون.}

^{جگە لە زیانی گیانی، تۆپبارانی ئێران و بۆردوومانی توركیا زیانی ماڵی زۆریان بە ناوچە سنوورییە‌كان گەیاندووە‌. وێڕای چۆڵبوونی گونده‌كان، له‌وه‌ڕگای مه‌ڕداره‌كانیش سووتاوه‌ و له‌ ترسی تۆپباران و بۆردوومان واری ساڵانه‌ی خۆیان جێهێشتووه‌.}

^{بەشێک لە ماڵه كۆچه‌رەکان بەهۆی تۆپبارانی ئێرانەوە كوێستانه‌كانیان جێهێشتوون و به‌ ناچاری لە ناوچەی دیکە ره‌شماڵه‌كانیان هه‌ڵداوه‌. مه‌روو ماڵاته‌كانیان له‌ بری له‌وه‌ڕگا له‌ نێو په‌رژیندان، نه ‌كاتی گه‌رمێنه‌ بگه‌ڕێنه‌وه ‌و نە لە کوێستانەکانیش له‌وه‌ڕگایان بۆ مه‌ڕوماڵات ماوه‌.}

^{له‌ ده‌ڤه‌ری برادۆست و باڵه‌كایه‌تی و پشده‌ر زیاتر له‌ 100 گوند له‌ لایه‌ن توركیا و ئێر‌انه‌وه‌ بۆردومان و تۆپباران ده‌كرێن، ساڵانه‌ ژماره‌یه‌ك گوند به‌ هۆیه‌وه‌ چۆڵدەکرێن.}

^{بەپێی ئاماری فەرمی، تەنیا لە سنووری دهۆک لە ساڵ و نیوی رابردوودا بەهۆی بۆردوومانی تورکیاوە 20 هاونیشتمانی گیانیان لەدەستداوە. لە سیدەکانیش بەهۆی بۆردوومانەکان زیاتر لە 50 گوند چۆڵکراون و مەترسی چۆڵکردنی 20 گوندی دیکەش هەیە.}

٢٠/٧/٢٠١٩