^{بە پێی هەواڵ و زانیارییەکان، سپای پاسداران و هێزە چەکدارەکانی رژیم لە شار و ناوچە سنوورییەکانی کوردستان خەریکی ئاوەدان کردنەوەی مۆڵگە کۆنەکانی خۆیانن. بە پێی زانیارییەکان سپای پاسداران لە سنووری سەردەشت خەریکی نوێ کردنەوەو دامەزراندنەوەی بنکە و مۆڵگە کۆنەکانی خۆیانە لەم سنوورەو هێزێکی زۆری لە ناوچە جیاوازەکانی سەردەشت جێگیر کردوە. کە ئەمە نیگەرانی خەڵکی ناوچەکەی لێکەوتۆتەوە.}

^{یەکێک لەو شوێنانەی کە سپای پاسدارانی هێزی تێدا جێگیر کردووە، بەرزاییەکانی شاخی "جاسوسان" ە کە هێز و چەک قورس و نیوە قورسی تێدا جێگیر کراوە.}

^{هەندێک لە زانیارییەکان باس لەوە دەکەن کە سپای پاسداران لە هەوڵی دامەزراندنی قەرارگایەکی نیزامی لە شاری سەردەشت دایە.}

^{لە لایەکی دیکەوە شاری مەریوان، پڕ بووە لە هێزەکانی سپای پاسداران و تەنانەت هێزە لباس شەخسییەکانی سپای پاسداران.}

^{هەروەها هێزێکی زۆر لە سنوورەکانی شاری مەریوان بە چەک و چۆڵی قورس و نیوە قورس جێگیر کراون.}

^{هەروەها بە پێی هەواڵەکان لە شاری پیرانشارەوە، ژمارەیەکی زۆر لە هێزە کانی سپای پاسداران، چەند ڕۆژ پێش هەڵیانکوتاوەتە سەر گوندی "ماشکان" سەر بە ناوچەی "بەربنە" ی پیرانشار و کون و بە کونی ئەو گوندەیان پشکنیوە.}

16/5/2019