کۆمپانیای فەیسبوک هەڵمەتێکی نوێی دەسـتپـێکردووە بۆ سڕینەوەی فەیسبوکی ئەو کەسانەی بیروباوەڕی توندڕەو و ڕەگەزپەرستی لەسەر فەیسبوکەکانیان بڵاودەکەنەوە.

^{لە ڕاگەیاندنێکدا فەیسبوک نووسیویەتی هەمیشە و بەبێ جیاوازی ئەو کەس و ڕێکخراوانەمان بلۆککردووە کە بانگەشە بۆ بیروبۆچوونی توندڕەو و ڕق و کینە دەکەن.}

^{فەیسبوک کە خاوەنی ئنستگرامیشە، دەڵێت ئەو کەس و ڕێکخراوانە لە ئنستگرامیشدا بلۆک دەکرێن.}

^{کۆمپانیاکە لە ڕۆژی پـێنجشەممەوە فەیسبوک و ئنستگرامی کۆمەڵێک کەسایەتی بلۆک کرد، لەوانە پـۆڵ نێڵێن، سیاسەتمەداری کۆماری لە ویلایەتی ویسکەنسن و لۆرا لومەر، چالاکوان و ڕۆژنامەوانی سەر بە پارتی کۆماری لە نیویۆرک و میلۆ یانۆپـۆڵس، کەسایەتی بەریتانی کە ئەم سیانە پـێـیان‌وایە خەڵکی سپی پـێست لە سەروو خەڵکی دیکەوەن. هەروەها لویس فەرەخانی تەمەن 85 ساڵیش بلۆکراوە، ئەوەی لە ئەمەریکا سەرۆکایەتی کۆمەڵەی " Nation of Islam" دەکات و وتاری دژی سامیەت بڵاودەکاتەوە.}

^{کریستینا لۆپـێز، جێگری بەڕێوەبەری بەشی توندڕەوی لە کۆمەڵە میدیای "Matters for America" لەم بارەیەوە بە ئاژانسی دەنگ‌وباسی فڕانس پـرێسی گوت ئەم ڕاگەیاندنەی فەیسبوک هەنگاوێکی بە ئاڕاستەیەکی دوروستدا، دەڵێت بلۆکردنی پـۆڵ نێڵێن و لۆرا لومەر و میلۆ بانۆپـۆڵس هەتا ڕادەیەک یارمەتیدەر دەبێت لە دانانی سنوورێک بۆ بڵاوبوونەوەی بیروباوەڕی ڕاستڕەوی توندڕەو.}

4/5/2019