^{تۆڕی كۆمەڵایەتی ئینستگرام ئەژمارەكانی سەر بەژمارەیەك لەفەرماندەكانی سوپای پاسدارانی ئێرانی دادەخات، كە لەناویاندا قاسم سلێمانی‌و محەمەد عەلی جەعفەری هەیە.}

^{بەگوێرەی هەواڵی ئاژانسی "میهر"ی ئێرانی، پێگەكە لە ماوەی بیست و چوار سەعاتی رابردوودا، ژمارەیەكی زۆر لەو پەیجانەی سەر بەدامەزراوە سەربازییەكانی ئێرانن دایخستون، زۆربەی ئەوانەش سەر سوپای پاسداران و ئەندامەكانی پێشووی ئەو دامەزراوەیەن.}

^{ئاژانسەكە ئاماژە بۆ ئەوەش دەكات، دامەزراوەكان چەندین جار رەتیانكردووەتەوە هیچ چالاكییەك لەتۆرەكانی ماڵپەرە كۆمەڵایەتییەكان ئەنجام بدەن.}

<sup>گرنگرتین ئەو پەیجانەی تا ئێستا داخراون:
- سوپای پاسداران
- سوپا و پاسەوانی شۆرشی ئێرانی
- جەنراڵ پرس
- لیوا محەمەد عەلی جەعفەری (فەرماندەی گشتی سوپای پاسداران)
- لیوا قاسم سلێمانی (فەرماندەی فەیلەقی قودس)
- عەمید موسا كەمالی
- عەمید حسین سلامی (جێگری فەرماندەی گشتی سوپای پاسداران)
- عەمید حەبیب شاسواری
- حاجی سعدی قاسمی
- محم باقر قلیباف (سەرۆكی پێشووی شارەوانی تاران)
- عزت الله زرگامی (سەرۆكی پێشوتری دامەزراوەی رادیۆو تەلەفزیۆنی ئێران)
- فەیلەقی فاتمیەكان
- بەرگری تاكو دەركەوتن</sup>

^{تۆڕەكە هیچ روون كردنەوەیەكی دەربارەی ئەو رێكارانە نەداوە، كە رەنگە پەیوەندی هەبێت بە پۆلین كردنی سوپای پاسداران لەلیستی تیرۆردا لەلایەن ئەمەریكاوە بەناوی (رێكخراوە تیرۆریستیەكان).}