^{لێژنەی باڵای هەڵبژاردنەكانی توركیا 6 هاوسەرۆكی براوەی شارەوانی پارتی دیموكراتی گەلان، هەدەپە، لەباكوری كوردستان، بەر لە دەستبەكاربونیان لە كارەكانیان دوردەخاتەوە و كەسانی سەر بە پارتی دەسەڵاتدار لە شوێنیان دەستبەكار دەبن.}

^{لەبەیاننامەیەكدا، لێژنەی باڵای هەڵبژاردنەكانی توركیا رایگەیاند، ئەو كەسانەی كە‌هەڵبژێردراون، پێشتر بە فەرمانی حكومەت لە كارەكانیان دوورخراونەتەوەو لەدادگا دۆسیەیان لەسەر كراوەتەوە، بۆیە مافی ئەوەیان نییە وەك هاوسەرۆكی شارەوانییەكان لە ئەركە نوێییەكەیان دەستبەكار بن.}

^{ئاماژەی بەوەشكردوە، 6 هاوسەرۆكی هەڵبژێردراوی هەدەپە بۆ شارەوانییەكانی باكووری كوردستان، رێگەیان پێ نادرێت دەست بەكاربن و لەشوێنی ئەوان كەسانی دیكە دەست بەكاردەبن.}

^{لەبەرامبەردا، هەدەپە، ئەو بڕیارەی لێژنەی هەڵبژاردن بە فێڵێكی پلان بۆ داڕێژراوی سیاسی ناودەبات و داواش دەكات، لەو شەش ناوچانە هەڵبژاردن دووبارە بكرێتەوە.}

13/4/2019