^{ڕێژیمی کۆماری ئیسلامیی ئێران بە بیانووی دروستکردنی ڕێگاوبان و هێنانی گاز بۆ کوردستانی ڕۆژهەڵات، ئاسەوارە مێژوویییەکان لەو ناوچەیەدا لە نێو دەبات و زۆر جاریش بە تاڵانیان دەبات و لەم ڕێگاوە دەیەوێت مێژووی نەتەوەی کورد بسڕێتەوە.}

^{لەو پێوەندییەدا ڕێژیم، لە ناوچەی مەرگەوەڕی ورمێ، بە بیانووی دروستکردنی ڕێگاوبان و هێنانی گاز بۆ ناوچەکە، بەشێک لە ئاسەوارە مێژوویییەکانی ئەو ناوچەیەی لە نێو بردووە و خەڵکی ناوچەکە شایەتی چەندین نموونە لەو وێرانکارییانە بوونە و ناڕەزایەتییان بەرانبەر بەو کردارەی ڕێژیم دەربڕیوە.}

^{ئەم ڕێژیمە، بەردەوام لە ڕێگای جیاوازەوە هەوڵی لەنێوبردن و وێرانکردن و بەتاڵانبردنی ئاسەوارە مێژوویییەکان لە کوردستاندا دەدات و لەم ڕێگایەوە دەیەوێت کە مێژووی کورد و کوردستان بسڕێتەوە.}

^{سڕینەوەی ئاسەوارە مێژوویییەکان لە لایەن ڕێژیمی کۆماری ئیسلامیی ئێرانەوە، بۆ سیاسەتی سیستماتیکی توانەوەی کولتووری ئەو ڕێژیمە دەگەڕێتەوە.}

٥/٤/٢٠١٩