^{لە دوای بارینی باران و هاتنی لافاو لە زۆربەی شارەکانی کوردستان و ئێراندا، زۆربەی زەوی و تەپۆڵکە و ڕێگاوبانەکان لە کوردستان و ئێراندا ڕۆ چوونە و خەڵکی تووشی خەسار و زەرەری ماڵی کردووە.}

^{لە ڕۆژانی ڕابردوودا، بە هۆی بارینی بارانی زۆر لە کوردستان و ئێراندا، لە شاری سنە، بەشێک لە ماڵەکانی "مەسکەن مێهر"، لە گەڕەکی "دێگەرانـ"ـی سنە و هەروەها زۆربەی زەوی و تەپۆڵکەکان لە "حەسەنئاوا"ی سنە ڕۆ چوونە و خەڵک تووشی زەرەر و زیانێکی زۆر بوونە.}

^{هەر لەم پێوەندییەدا، چەند ڕۆژ پێش ئێستا، ڕێگای هاتووچۆی نێوان "سەوڵاوا" و "کامیاران" لە دەوروبەری گوندی تفێن ڕۆ چووە و بە هۆی ئەو ڕۆچوونە ڕێگای هاتووچۆ لە خەڵک گیراوە.}

^{هەروەها، داڕمانی کێو لەسەر رێگای هاتووچۆی "حەمیل بۆ ئیلام" ئەو ڕێگایەی بەستووە و هاتووچۆی خەڵکی لەو ڕێگایەدا تووشی کێشە کردووە.}

^{ڕۆچوونی زەوی دیاردەیەکە، کە بە هۆی نەرمبوونی خاک و مژینی ئاوی زۆر، خاک لە شوێنی خۆیدا دەخزێت یان ڕۆ دەچێت و لە هۆکارەکانی ڕوودانی ئەم دیاردەیەش دەتوانین ئاماژە بە ڕوودانی بوومەلەرزە، بارینی بارانی زۆر، بڕینەوەی دارەکان و لەنێوبردنی لێڕەوارەکان بکەین، کە ئەو ڕۆچوونە پڕتاوە زەرەر و زیانێکی زۆری لێ دەکەوێتەوە.}

٤/٣/٢٠١٩