^{پاش مانگرتنی سەرتاسەری مامۆستایان لە کوردستان و ئێران، ئیدارەی پەروەردە و بارهێنانی شاری سەقز، هەڕەشەی دۆسیەسازی لە مامۆستایانی مانگرتووی ئەو شارە کردووە.}

 ^{بە پێی هەواڵی کوردپا، ئیدارەی پەروەردە و بارهێنانی شاری سەقز، پاش مانگرتنی سەرتاسەری فەرهەنگییان، هەڕەشەی لە مامۆستایانی ئەو شارە کردووە و خستوویانییەتە ژێر گوشارەوە.}

^{بە وتەی سەرچاوەیەکی ئاگادار، ئیدارەی پەروەردە و بارهێنانی شاری سەقز، بۆ کۆتایی هێنانی مانگرتنی مامۆستایانی قوتابخانەکانی ئەو شارە،هانای بۆ هەوڵی "فراقانونی" بردووە.}

^{ئەو سەرچاوەیە هەروەها دەڵێت: سەرەڕای هەڕەشەکانی ئیدارەی پەروەردە و بارهێنانی شاری سەقز، مانگرتنی سەرتاسەری مامۆستایان زیاتر لە ٧٠ خوێندنگەی ئەو شارە بەرێوەچوو.}

^{ئەو سەرچاوەیە ئەوەشی خستەڕوو: داخوازی مامۆستایان لەو مانگرتنەدا، لابردنی جیاوازی، هەڵوەشانەوەی گەڵاڵەی چەساندنەوەی مامۆستایان، لابردنی کێشەی ژیان و گوزەرانی فەرهەنگییان، ئازاد کردنی ما مۆستایانی بەندکراو ... بوون.}

^{ئەو سەرچاوەیە لە کۆتاییدا، پێداگری لە سەر ئەوە کرد کە، مامۆستایان ڕایانگەیاندووە، لە ئەگەری جێبەجێ نەکردنی داخوازییەکانیان، درێژە بە مانگرتنەکەی خۆیان دەدەن.}

٧/٣/٢٠١٩