^{هاوکات لەگەڵ تەشەنەکردنی گرژی و ئاڵۆزییەکانی نێوان ئێران و سعوودیە، گوتەبێژی وەزارەتی دەرەوەی ئێران، حکوومەتی سعوودیەی بە "باوکی تیرۆریزمی تەکفیری لە جیهان" لە قەڵەم داوە.}

^{بەهرام قاسمی لە کاردانەوە بە قسەکانی عادل ئەلجوبێر، وەزیری دەوڵەتی سعوودیە بۆ کاروباری دەرەوە، کە دژی ئیران کردبووی، گوتوویەتی: "دەوڵەتی سعوودیە وەک سەرچاوەی بیرۆکەی توندوئاژۆیی و بنەمای تیرۆریزمی ڕێکخراوەییە لە ئاستی جیهاندا".}

^{عادل ئەلجوبێر دوێنێ دووشەممە 2019.2.18 لە کۆنفرانسێکی ڕۆژنامەنوووسیدا لە پاکستان ئێرانی بە "پشتیوانی سەرەکیی تیرۆریزم لە ماوەی چەند دەیەی دەوایی" لەقەڵەم دابوو.}

^{ئەو بەرپرسە باڵایەی سعوودیە لە کاردانەوەی بە تۆمەتی ئێران بە سعوودیە لە پەیوەندی لەگەڵ دەستێدابوون لە تەقینەوەی خۆکوژیی پاسێکی هەڵگری چەکدارانی سوپای پاسداران، ڕۆڵی ئێرانی بە تێکدەرانە زانیوە و گوتی: "هەموو هەوڵی ئێران لەو تۆمەتداتاشینانە بۆ بەلاڕێدابرنی بیروڕای خەڵکی و شاردنەوەی راستییەکانە".}

^{پاش ئەو تەقینەوەیە کە لەسەر جادەری خاش بۆ زاهیدان لە پارێزگای سیستان و بەلووچستان ڕووی دا و تێیدا 27 فەرماندە و چەکداری سوپای پاسداران کوژران، ئێران هۆشداریی دایە پاکستان و سعوودیە و ئیماراتیشی تۆمەتبار کرد کرد دەستیان لەو کردەوانەدا هەیە و پشتیوانی گرووپە چەکدارەکان دەکەن.}

20/2/2019