بەپێی ڕاپۆرتی ناوەندی دیموکراسی و مافی مرۆڤی کوردستان، ڕۆژی دووشەممە ٢٩ی ڕێبەندانی ١٣٩٧ی هەتاویی، کەیومەرس واعزی، جەبار حاجی مرادی و هادی باقری سێ هاونیشتمانی کوردی خەڵکی شاری سەنقوڕ کە لە لایەن سپای پاسدارانەوە دەسبەسەر کرابوون، بە بارمتە ئازاد کران.
جەبار مرادی و کەیومەرس واعزی بە بارمتەی ٢٠٠ میلیۆن تمەن ئازاد کراون.
ئەو دوو کەسە بە تۆمەتی هەوڵدان دژی ئاسایشی نەتەوەیی و بێڕێزی بە خامنەیی ڕیبەری کۆماری ئیسلامیی ئێران ڕۆژی پێنجشەممە ٢٥ی ڕێبەندان دوای ئەوەی کە ماڵەکانیان پشکنین و دەسبەسەر کەلوپەلی پێوەندەیەکانیان داگیرا، لە لایەن هێزەکانی سپای پاسدارانەوە دەسبەسەر کرابوون.
هەوروەها رۆژی یەکشەممە٢٨ی ڕێبەندان مەسعوود شەمس پارێزەری کورد کە ٦ ساڵ و ٤ مانگ سزای زیندانی بۆ بڕاوەتەوە بە دانانی بارمتەی قورس ئازاد کرا
20/2/2019
