^{نووسینگەی وەشانگەی "باشوور" لە شاری ئیلام کرایەوە.}

بەپێی هەواڵەکان ، ڕۆژی یەکشەممە ٢٨ی ڕێبەندان، ڕێوڕەسمی کرانەوەی نووسینگەی ^{وەشانگەی "باشوور"، بە بەشداریی کۆمەڵێک لە نووسەران، شاعێران و هۆگرانی زمانی کوردی لە شاری ئیلام بەڕێوە چوو.}

^{بەشێک لەم ڕێورەسمە بۆ شێعرخوێندنەوە، وتووێژ و مۆسیقا تەرخان کرابوو، سەرنجدان و پێویستیی پێکهینانی ناوەندەکانی ڕاگەیاندن، ئەدەبی و فەرهەنگیی بە تەکووزیی لەسەر زمانی دایکی جەختیان لەسەر کرایەوە و هەر کام لە بەشداران لەم ڕێوڕەسمە، ڕوانگە و بۆچوونی خۆیان لەم بارەوە دەربڕی.}

^{بەڕێوبەری ڕاگەیاندنی "باشوور"، وێڕای سپاس و پێزانین لە هەموو بەشداربووانی ئەم ڕێوڕەسمە ڕایگەیاند: هەموو هەوڵ و ئیرادەی خۆمان لە پێناو خزمەت بە زمان و ئەدەبیاتی پارێزگا و ناوچەکەمان وەگەڕ دەخەین.}

^{سەرماوەزی ئەمساڵ، وەشانگەی "باشوور" بۆ چالاکی لە بواری فەرهەنگ و ئەدەبیاتی کوردی خوارین (کەلهوڕی، لەکی، فەیلی و...) لە ئیلام مۆڵەتی وەرگرت.}

^{وەشانگەی "باشوور" به بەرپرسایەتیی "محەممەدموراد نەساری" نووسەر و شاعێری کورد لە ئیلام، چالاکییەکانی خۆی دەست پێ دەکات.}

^{لە ڕەشەمەی ساڵی ڕابردووەوە، "محەممەدموراد نەساری" وەکوو کەسایەتی شێعری جەوانی کوردی هەڵبژێردرا و ڕێز لە چالاکییەکانی لە بواری فەرهەنگ و ئەدەبیاتی کوردیدا گیرا.}

20/2/2019