^{فەرماندەی هێزی ئاسمانیی سوپای پاسدارانی ئێران، لە لێدوانێکدا لەگەڵ ئاژانسی (فارسنیوز)ی سەر بەو هێزە، بە فەرمی دانی بەوەدا ناوە کە ئێران مووشەکی بالستیکی تاقی کردووەتەوە.}

^{فەریق ئەمیرعەلی حاجی‌زادە، دە ڕۆژ دوای ئەوەی وەزیری دەرەوەی ئەمریکا ئاشکرای کرد: "ئێران مووشەکی بالستیکی نێوان‌بڕی تاقی کردووەتەوە" بە فەرمی دانی پێدا ناوە و ئەو تاقیکردنەوەشی بە "گرنگ" وەسف کردووە و دەڵێت ئێمە ساڵانە ئەو تاقیکردنەوانە ئەنجام دەدەین.}

^{ئەو فەرماندە سەربازییەی ئێران ئاماژەی بە وردەکاری نەکردووە، بەڵام گوتی: "ساڵانە 40 هەتا 50 تاقیکردنەوەی مووشەکی ئەنجام دەدەن"}

^{ئەم هەڵوێستەی ئێران لە کاتێک دایە کە دوای ڕەخنەی توندی ئەمریکا لەو تاقیکردنەوە مووشەکییەی ئێران کە پێچەوانەی ڕێککەوتنی ناوکییە، ئەنجومەنی ئاسایش کۆبوونەوەیەکی لەمبارەوە ئەنجام دا، بەڵام بەبێ هیچ بەیاننامە و بڕیارێک کۆتایی پێهات.}

^{ئێران بەردەوام جەخت دەکاتەوە کە ئەو تاقیکردنەوە مووشەکیانە پێچەوانەی ڕێککەوتنە نیودەوڵەتییەکان و بەتایبەت ڕێککەوتنی ناوکی نییە، ئەمە لە کاتێک دایە یەکێک لە بەندەکانی ڕێککەوتنی ناوکی ئاماژەی بەوە کردووە کە لە بەرانبەر ڕاگرتنی چالاکییە مووشەکییەکاندا، بەشێک لە گەمارۆکانی سەر ئێران هەڵدەگیرێن و ئەو وڵاتە بۆی نییە هەتا ٨ ساڵ هیچ چالاکییەکی مووشەکی ئەنجام بدات، بەڵام بە گوتەی ئەم فەرماندەیە ساڵانە نزیکەی 50 تاقیکردنەوەی مووشەکی ئەنجام دەدەن.}

11/12/2018