^{بەهۆی بوومەلەرزەکەی شەوی ڕابردوو پارێزگای کرماشان لە ڕۆژهەڵاتی کوردستان و قەزای خانەقین و دەڤەری گەرمیان و کەلاری گرتەوە، دوو کەس گیانیان لەدەست داوە و لە 716 هاووڵاتیش بریندار بوون}

^{بەپێی زانیاریی میدیاکانی ئێران، ئەو بوومەلەرزەیە کە سەنەتەرەکەی قەسری شیرین و سەرپێڵ‌زەهاو بوو، بە گوژمی 6.2 بە پلەی ڕیشتەر ڕووی دا کەلە قەزای خانەقین زیان و خەسارێکی زۆری بە هاووڵاتیان گەیاندووە و لە قەزای کەلاریش دوو هاووڵاتی گیانیان لەدەست داوە و بە دەیان کەسیش بریندار بوون.}

^{ئەو بوولەرزەیە هێندە گوژمی زۆر بووە لە زۆرێک لە شار و شارۆچکەکانی هەرێمی کوردستانیش هەستی پێکرا.}

^{بەپێی زانیاریی میدیا خۆجێیەکان لە کرماشان، گوژمی بوومەلەرزەکە لە شارەکانی ڕۆژئاوای ئەو پارێزگایە وەک قەسری شیرین، سەرپێڵ‌زەهاو، جوانڕۆ، سەلاسی باوەجانی و ڕوانسەر زیاتر بووە و زیانێکی زۆر بە خانوو و ماڵی هاووڵاتیان کەتووە و سەرەڕای وەرزی سەرما خەڵک ماڵی خۆیان بەجێ هێشتووە و لە پارک و شوێنە گشتییەکان ڕۆژیان کردووەتەوە.}

^{هاتنی ئەم بوومەلەرزەیە لە کاتێک دایە کە هێشتا ئاسەواری وێرانی و خراپیی بوومەلەرزەکەی ساڵی پێشوو نەسڕاوەتەوە و هێشتا خەڵکێکی زۆر لەناو خێوەتە و لە ڕەوشێکی دژواردا دەژین.}

28/11/2018