^{ئیدارەی ئیتلاعاتی شاری سنە، پێش بە دەسپێڕاگەیشتن دوو زیندانیی سیاسیی کورد بە پارێزەر لە زیندانی ناوەندیی شاری سەقز دەگرێت.}

^{بەپێی هەواڵدەریی کوردپا، دوو زیندانیی سیاسیی کورد بە ناوەکانی "هوشمەند عەلیپوور"، خەڵکی شاری سەردەشت و "محەممەد ئوستادقادر"، خەڵکی شاری سەقز، بە هۆی دەستێوەردانی ئیدارەی ئیتلاعاتی شاری سنە، لە دەسپێڕاگەیشتن بە پارێزە بێبەرین.}

^{ئەو دوو زیندانییە کوردە، ڕێکەوتی ١٢ی گەلاوێژی ئەمساڵ، بە تۆمەتی "ئەندامبوون لە یەکێک لە حیزبە کوردییەکانی ئۆپۆزسیۆنی حکوومەتی ئێران"دەسبەسەر کران و پاش ١٠٨ ڕۆژ لە دوای دەستبەسەرکرانیان لە ڕێکەوتی ٢٨ی خەزەڵوەر، لە گرتووخانەی ئیدارەی ئیتلاعاتی شاری سنە، بۆ قەرەنتینەی زیندانی ناوەندیی شاری سەقز ڕاگوێزراون.}

^{ئەو دوو زیندانییە سیاسییە کوردە، لەو ماوەیدا بە ئامادەبوونی لێکۆڵەڕانی ئیتلاعات بە شێوەی جیاجیا لە ماوەی ڕۆژانی ٦و٧ی خەزەڵوەر، چاوپێکەوتنیان لەگەڵ بنەماڵەکەیان کردووە.}

^{هوشمەند عەلپپوور و محەممەد ئوستادقادر، لەسەر بڕیاری بەرپرسانی زیندانی شاری سەقز، لە قەرەنتینەی ئەو زیندانەن و هەتا ماوەیەکی دیکە لە "دەستپێڕاگەیشتن بە تەلەفۆن و چاوپێکەوتن لەگەڵ بنەماڵەیان" بێبەری دەبن.}

^{دەگوتری، پارێزەری دیاریکراوەی ئەو دوو زیندانییە سیاسییە کوردە، بە هۆی پێشگرتنی ئیدارەی ئیتلاعاتی شاری سنە، نەیانتوانیوە وەکاڵەتنامەی ئەوان وەر بگرێ و لە ڕەوتی دادگاییکردنی ئەواندا هیچ زانیارییەک لە بەردەستدا نییە.}

^{بنەماڵەی ئەو دوو زیندانییە سیاسیە کوردە خوازیاری بەڕێوەچوونی دادگایەکی دادپەروەرانەن.}

^{وەزارەتی ئیتلاعاتی حکوومەتی ئێران، بە بڵاوکردنەوەی بەیاننامەیەک دەسبەسەرکردنی دوو هاووڵاتیی کوردی پشتڕاست کردەوە و ڕایگەیاندووە: "یەکێک لە گرووپە تێرۆریستەکان لە هەوڵێکی نەزۆکدا، بە نارنجەک هێرشیان کردووەتە سەر پولیسی ئاگاهیی شاری سەقز، بەڵام ئەو هێزە حکوومەتییانە هیچ زیانێکیان بەر نەکەوتووە".}

24/11/2018