^{خەڵکی کوردستان، بە چوونە ڕیزی کەمپەینی "زاگرۆسانە" (نیشتمان بە باڵای زاگرۆسەوە جوانە)"، دەستیان بە چاندنی بەڕوو لە سروشتی کوردستان کردووە.}

^{بەپێی هەواڵی کوردپا، ژینگەدۆستان و هاووڵاتییانی کورد لە کوردستان، بە چاندنی بەڕوو لە سروشتی کوردستان چوونە ڕیزی کەمپەینی "زاگرۆسانە (نیشتمان بە باڵای زاگرۆسەوە جوانە)".}

^{ئەنجومەنی سەوزی چیای مەریوان، بە بڵاوکردنەوەی وێنەی تایبەت، باس لە چالاکیی ژینگەپارێزی بە چاندنی بەڕوو لە شارەکانی "کامیاران، مووچش، داڵاهۆ، سەقز، سنە و سەلاسی باوەجانی و سەقز"، لە لایەن چالاکان و ژینگەپارێزانی کوردستانیان کرد.}

^{کەمپەینی ""زاگرۆسانە (نیشتمان بە باڵای زاگرۆسەوە جوانە)"، بە بەشداریی ڕێکخراوە ژینگەپارێزییەکانی دانیشتووی زاگرۆس بە دروشمی " نیشتمان بە باڵای زاگرۆسەوە جوانە"، لە ڕۆژی هەینی ٢ی سەرماوەز، چالاکییەکانی خۆی دەستی پێ کردووە و هەتا ٦ی سەرماوەز درێژەی هەیە.}

^{کەمپەینی "زاگرۆسانە (چاندنی بەڕووی زاگرۆس)"، بە ئامانجی جێگیرکردنی فەرهەنگی پاراستنی دارستانەکانی زاگرۆس لە نێو خەڵکدا بوونی خۆی ڕاگەیاند.}

^{قادر ڕەحمانزادە، چالاکی ژینگەپارێزی، لەم بارەوە وتوویەتی: "بەداخەوە بەپێی ئاماری لەنێوچوونی دارستانەکانی زاگرۆس، لە ماوەی ساڵانی ڕابردوودا، دەبێت بگوترێ لانیکەم هەتا ئێستا هیچ ئیرادەیەک لە لایەن بەرپرسانی حکوومەتییەوە، بۆ پێشگرتن لە فەوتانی ئەم سامانە نەتەوەیییە بەرچاو ناکەوێت".}

^{ئاگر یەکێک لە مەترسیدارترین دوژمنەکانی دارستانەکان بە ئەژمار دێ، ئاگرکەوتنەوەیەکی چووکە دەتوانێت خەسارەتێکی بەرچاو بە دارستانەکان بگەیەنێ کە بە شێوەیەک دەکرێت تەنانەت ببێتە هۆی لەنێوچوونی یەکجاریی ژینگەی دارستانەکان.}

24/11/2018