حشمت اللە عەسكەری معاون ئقتسادی پارێزگار ئیلام لە دیدار وەل رووژنامەنووسەیلا وەتێە: وە پێ ئەو بەرنامە كە دارێژیاس, پێشبنی كەیمن ئمساڵ فرەتر لە 2 میلیارد دولار, كالا لە مەرز مهران سادر بكریێد.
وەتیێشە كە مەرز مهران تا 2 ساڵ لەیەوەر تەنیا تایبەتمەندی سادرات داشتێە, وەلێ ئیسە بوویسە مەرزێگ ئڕا ترانزیت كالا.
عەسكەری وە یەیش ئشارە كردێە كە ساڵ وە سەرچێ 1 میلیارد و 400 میلیون دولار كالا لە مەرز مهران سادر كریاس.
جی باسە پارێزگای ئیلام خاون پتانسیلەیل فرێگە لە حەوزەی نەفت و كشاوەرزی و مەعدنەیل فلزی و سەنگی كە وە پێ ئامارەیل رەسمی تەنیا لە حەوزەی نەفت و گاز وە قەد وڵات قەتەر زەخیرە دێرێد.
كە یەیش لە حالێگە پارێزگای ئیلام خاون بانترین ئامار بێكاریە لە ئێران

22/11/2018