^{رۆژی چوارشەممە ٢٣ی خەزەڵوەر، لە دەورێکی نوێی مانگرتنی مامۆستایاندا، بۆ دووهەم رۆژی بەردەوام مامۆستایانی شارەکانی ئێران و کوردستان بە ناڕەزایەتی بە دۆخی ئابووری و ژیانیان، هەروەها نەبوونی یەکسانی و هەڵاواردن لە ناوەندەکانی خوێندن و لەگەڵ ئەوەش بانگکردن و هەڕەشەکردن لە مامۆستایانی شارەکان دەستیان داوەتە مانگرتن و خوازیاری ئەوەن حکوومەت وەڵامدەرەوەی خواستەکانیان بێت.}

^{بە پێی هەواڵەکان مامۆستایانی شارەکانی کوردستان لەوانە سەقز و سنە و کرماشان و ... شان بە شانی مامۆستایانی ناڕازی شارەکانیتری ئێران لەم مانگرتنەدا چالاکانە بەشدارن و خوازیاری ئەوەن حکوومەت وەڵامدەرەوەی خواستە رەواکانیان بێت.}

^{ئەم مامۆستایانە لەحاڵێکدا رۆژی ٢٢ و ٢٣ی خەزەڵوەریان وەک رۆژی مانگرتن دیاری کرد، کە پێشتر و دوای مانگرتنەکانی ٢٢ و ٢٣ی رەزبەر حکوومەت ژمارەیەکی زۆر لە مامۆستاکانی بانگ کردبوە ئیتلاعات و هەڕەشەی لێکردبوون نابێ بەشداری بکەن لە هیچ چالاکیەکدا، بەڵام مامۆستایانی مافخواز بۆ گەیشتن بە خواستەکانی خۆیان شێلگیرانە درێژە بە ناڕەزایەتییەکانیان دەدەن و پشتیوانی کردن لەم ناڕەزایەتییانە ئەرکێکی شۆڕشگێڕی و ئینسانیە.}

14/11/2018