ناوەندی راگەیاندن و چاپەمەنی ھێزەکانی سوریای دیموکراتی"ھەسەدە"رایگەیاند، ئۆپراسیۆنی گەردەلولی جەزیرەیان لە رۆژھەڵاتی پارێزگاری دێرزوری سوریا دەستپێکردوەتەوە.
ناوەندی راگەیاندن وچاپەمەنی ھێزەکانی سوریای دیموکراتی"ھەسەدە" بڵاویکردەوە، لە دوای چەند گفتوگۆیەکی نێوان فەرماندەیی گشتی "ھەسەدە"و ھاوپەیماناندا، بریاریانداوە ئۆپراسیۆنەکانی خۆیان لە پارێزگای دێرزوری سوریا دژی چەکدارانی داعش دەستپێبکەنەوە، کە ھەفتەی رابردوو بەھۆی ھێرشەکانی تورکیاوە بۆ سەر باکوری سوریا ڕاگیرابون.
ھەسەدە ئاماژەی بەوەکردبوو، بە ھۆی وەستاندنی ئۆپراسیۆنەکانی ئەوان وبۆردوکانەکانی تورکیاوە بۆ سەر باکوری سوریا چەکدارانی داعش ھێرشەکانیان بۆ پێگەکانی ئەوان دەستپێکردبوەوە.
ھەسەدە ئاماژەی بەوەش کردوە، ئەوان تەواوی پێکھاتەکانی ناوچەکە دەپارێزن.
فەرماندەیی ھێزەکانی سوریای دیموکراتی"ھەسەدە"، بە ھۆی زیادبوونی ھێرشەکانی تورکیاوە بۆ سەر باکوری سوریا بەشێوەیەکی کاتی ئۆپراسیۆنەکانی خۆیان بۆسەر چەکدارانی داعش لە رۆژھەڵاتی دێرزوری سوریا وەستاند بوو.
14/11/2018
