ئوستان كرماشان لە رۆژهەڵات كوردستان, سالًانە 2 میلیار و 500 ملیون ریال, معادل نزیكەی 9 ملیون دولار لە فروش و سادرات سەنایع دەستی وە دەس تیەرێد.
ئەو سەنایع دەستیە كە لە كرماشان درس بوون, سەنایع فلزی و چەرمی و چوو و قالی بافی و دوخت و دوزە. كە لەلایەن هونەرمەندەیل كرماشانی تەولید كریەن.
هەرچەندە تا ئیسە مەسئولەیل دەوڵەتی,وە ئامار دەقیق هونەرمەندەیل لە ئێ حەوزە ئاماژە نەكردنە, وەلێ وە پێ ئامارەیل نارەسمی نزكەی 70 هەزار كەس لە ئێ حەوزە چالاكی دێرن. هاوكاتیش روژنامەنووسەیل لە ئەیە هۆشدار دەن, كە ئەو كەسیلە لە حەوزەی سەنایع دەستی چالاكن, فرەتر كەسیلێگن كە عمرێان ها بان و نەسل گەنج كەمتر وارد ئێ حەوزە بوود, كە ئەیەیش هەڕەشێگە لە سەر لاواز بووین ئێ سەنعەتە.
چاودێرەیلیش وە ئەیە باوەر دێرن كە بایس دەوڵەت بتوویەنێد لەسەر ئێ سەنعەتە سەرمایە گوزاری بكێدو وە شێوەی سیستماتیك تەسلیهات بانكی بنێدە خزمەت جوانەیل تا ئێ سەنعەت پڕ دەرئامەدە لە دەس نەچوود.
2/11/2018