^{رۆژی سێشەممە دەوڵەتی دانیمارك رایگەیاند دەزگای هەواڵگری ئێران هەوڵی داوە بۆ تیرۆركردنی نەیارێكی خۆی لەسەر خاكی دانیمارك. لەمبارەیەوە ئاسایشی كۆپنهاگن هاووڵاتییەكی نەرویجی بەرەگەز ئێرانی دەستگیر كرد.}

^{ئاسایشی دانیمارک ئاشكرای كرد كە هەواڵگری ئێران لە پشت پلانێکەوە بووە بۆ تیرۆرکردنی ژمارەیەک لە ئۆپۆزسیۆنی ئێرانی لە دانیمارک، لەنێویاندا سەركردەیەكی ئۆپۆزسیۆنی عەرەبی بەرەگەز ئێرانی.}

^{لەمبارەیەوە تۆڕی هەواڵی (سكای نیوز) لەزاری ڤین بۆرك ئێندرسن بەڕێوەبەری دەزگای ئاسایشی دانیماركی گواستەوە كە هەوڵە تیرۆریستیەكە بۆ كردنە ئامانجی ڕێبەری لقی دانیماركی بزوتنەوەی خەباتی عەرەبی بۆ رزگاركردنی ئەحواز بووە.}

^{گوتیشی لە چوارچێوەی لێکۆڵینەوە لەم بابەتە، دەزگای ئاسایشی دانیمارک لە ٢١ی ئەم مانگەدا، هاووڵاتیەکی دانیمارکی بەرەگەز ئێرانی دەستگیر کرد.}

31/10/2018