بە هۆی خۆڵبارینەوە بەشێک لە قوتابخانەکانی کوردستان داخران.
رۆژی شەممە ٥ی خەزەڵوەر خۆڵبارینی باشووری کوردستان، رۆژهەڵاتی کوردستانیشی گرتەوەو بۆ بە هۆی داخرانی قوتابخانەکانی شارەکانی سەردەشت و سەقز، سنە، مەریوان، سەوڵاوا ، بانە، ئیلام و چەند شوێنێکی دیکە.
بەشی پێوەندییەکانی ئیدارەی گشتیی پەروەردە و ڕاهێنانی سنە، رایگەیاند : قوتابخانەکانی شارو دێهاتەکانی ئەو پارێزگایە بەهۆی پیس‌بوونی هەوا، لە هەردوو شیفتی پێش‌نیوەڕو وپاشنیوەڕۆ، پشوویەو منداڵان لە ماڵەوە بمێنەوە.
خۆڵبارین یەکێک لە گرفتە ژینگەییەکانی ناوچە سنوورییەکانە کە چەند ساڵە زیاتر بووەو ئێران، کەمتەرخەمیی بەرپرسانی عێراق بە هۆکارەی زیادبوونی دەزانێت.
وەدەنگ هاتنی بەرپرسانی ژینگە و وەزارەتی تەندروستی لەکاتێکدا بوو کە ساڵی رابردوو ئەو خۆڵبارینە گەیشتە تاران و گرفتی بۆ خەڵکی پایتەخت سازکرد.
جێی‌ئاماژەیە هۆکاری سەرەکیی خۆڵبارین، هەستانی تەپ وتۆزی دەشت و بیابانەکانی عێراقە کە هەریمی کوردستان و رۆژهەڵاتی کوردستان و چەند پارێزگای دیکەی ئێران دەگرێتەبەر و، بۆ سەر تەندروستی منداڵان و بەساڵاچوواندا، مەترسیدارە.
٢٨/١٠/٢٠١٨
