^{دانانی کامێرا لەسەر گومەزی باوەیادگار، لەگەڵ دژایەتی هاووڵاتییانی یارسان و ئیدارەی کەلەپووری فەرهەنگیی داڵاهۆ بەرەڕوو بوونەوە.}

^{بەپێی هەواڵەکان، ئیدارەی ئەوقافی شاری شائاباد سەر بە پارێزگای کرماشان، هەوڵی دانانی کامێرای ڕاستەوخۆی لەسەر گومەزی باوەیادگار دەدات.}

^{بە وتەی سەرچاوەیەکی ئاگادار، حکوومەتی ئێران بە ئیدارەی ئەوقافی شاری شائابادی رایگەیاندووە، هەتا گومەزی باوەیادگار بە دڕێڵێکی گەورە کون بکەن و کامێرای تێدا دابنێن، کە لەگەڵ دژایەتیی ڕێکخراوی کەلەپووری فەرهەنگیی شاری داڵاهۆ و هەروەها خەڵکی ئەو ناوچەیە بەڕەوڕوو بوونەوە.}

^{ئەو سەرچاوەیە دەڵێت: ئیدارەی کەلەپووری فەرهەنگی و خەڵک هەتا ئێستا توانیوانە پێش بە بەڕێوەچوونی ئەو گەڵاڵەیە بگرن، بەڵام ڕوون نییە هەتا چ کاتێک دەتوانن، لە بەرانبەر ئەو بڕیارەی ئەوقاف ڕاوەستن.}

^{ئەو سەرچاوەیە هەروەها دەڵێت: بینای گۆڕی باوەیادگار بەشێک لە بیناسازیی ڕەسەنی یارسانە و گومەز و بارەگاکەی، کەلەپووری فەرهەنگیی ناوچەکە و هەروەها فەرهەنگی یارسانەکان بە ئەژمار دێت، داوا لە ڕێکخراوە پەیوەندیدارەکانی جیهانی دەکەین، پێش بەو گەڵاڵەی حکوومەتی ئێران بگرن.}

^{گۆڕی باوەیادگار لە گوندی "بان زەردە" لە داوێنی شاخی داڵاهۆ و لە نزیک شاری کرند ناوەندی شاری داڵاهۆ هەڵکەوتووە.}

٢٦/١٠/٢٠١٨