“حەسەن رووحانی” سەرۆک کۆماری ئێران، ئێوارەی رۆژی شەممە ٢٨ی ڕەزبەر،دەست لە کار کێشانەوەی دوو لە وەزیرەکانی بە ناوەکانی “عەبباس ئاخوندی”وەزیری “رێگا و شارسازی” و ” محەممەد شەریعەتمەداری” وەزیری “پیشەسازی،کانگە و بازەرگانی” پەسەند کرد و، دوو کەسی دیکەی بە ناوەکانی ” محەممەد ئیسلامی” و “رەزا رەحمانی” وەک سەرپەرەستی ئەو دوو وەزارەتخانەیە دیاریکرد.
“عەبباس ئاخوندی”وەزیری “رێگا و شارسازی” رۆژی شەممە دەست لە کارکێشانەوەی خۆی لە پۆستەکەی راگەیاند و، ناوبراو لە نامەی دەست لە کارکێشانەوەکەیدا هاوڕانەبوون لە گەڵ دەستێوەردانەکانی زۆریی دەوڵەت لە بازاڕ و شیوەی بەڕێوەبەریی ئابووریی وڵات ناوبرد.
“حەسەن رووحانی “لە کاتی پەسەندکردنی دەست لە کارکێشانەوەی ناوبراو هیچ ئیشارەیەکی بە رەخنەکانی ناوبراو نەکرد.
دەست لە کار کێشانەوەی دوو وەزیرەی دەوڵەتی “رووحانی” لە کاتێکدایە کە بڕوانامەی ساختەی ئەو دوو کەسە بۆتە باسێکی گەرمی دنیای راگەیاندن و، ئەوان بەوە تۆمەتبار کراون کە بڕوانامەی ساختەیان بەکار هێناوە بۆ وەرگرتنی پۆستی دەوڵەتی و هەر ئەمەش گوشاری خستووتەسەر سەرۆك‌کۆمار و ناچار بوون کە دەست لە کار بكێشنەوە.
22/10/2018
