^{رۆژی چوارشەممە، ٢٥ی ڕەزبەر، ئەنجوومەنی فەرهەنگی و ئەدەبی مەریوان، کۆڕێکی بۆ هەڵبژاردنی ئەندامانی دەستەی بەڕێوەبەری ئەنجوومەنەکە بۆ خولێکی نوێ لە چالاکییەکانی ئەنجوومەن بەڕێوەبرد کە تێیدا چەند پارچە شێعر و پەخشانیش خوێندرایەوە.}

^{بەشی سەرەکی کۆڕەکە تەرخان کرا بۆ هەڵبژاردنی ئەندامانی دەستەی بەڕێوەبەری ئەنجوومەن کە ئارام ساڵحی، نەرگس ئەحمەدی، ئەنوەر ڕەوشەن، فاتێح موستەفایی و محەمەد سەدیق کەریمی وەک ئەندامانی دەستەی بەڕێوبەری هەڵبژێردران.}

^{پاشان، ئەنوەر ڕەوشەن وەک یەکێک لە بەرپرسانی ئەنجوومەنی ئەدەبی مەریوان، وتارێکی پێشکەش کرد.}

^{ئەنوەر ڕەوشەن لە بەشێکی وتارەکەیدا وتی: ئەنجوومەنی ئەدەبی مەریوان لە بیست و حەوت ساڵی خزمەتی، خاوەنی هەڵوێستی ژیرانەی خۆی بووە و سەرەڕای هەوڵی بەردەوامی ئیدارەی ئیرشاد و ناوەندە ئەمنیەتییەکان، لە ئامانجەکانی کە خزمەت بە ئەدەب و فەرهەنگی کوردەواری بووە لاینەداوە و تا ئێستاش بەردەوامە.}

18/10/2018