^{ڕۆژنامەنووسێکی خەڵکی شاری مەریوان، لە لایەن هێزە ئیتلاعاتییەکانەوە دەسبەسەر و بۆ شاری سنە ڕاگوێزرا.}

^{بەپێی هەواڵی هەواڵدەریی کوردپا، ڕۆژی پێنجشەممە ١٩ی ڕەزبەر، ڕۆژنامەنووسێکی کورد بە ناوی "محەممەدڕستگار کەریمی" لە لایەن هێزە ئیتلاعاتییەکانەوە دەسبەسەر کرا.}

^{هێزە ئیتلاعاتییەکان پاش پشکنینی ماڵی کەسیی ئەو ڕۆژنامەنووسە کوردە و بەبێ ‌بەڵگەی قەزایی دەستیان بە سەر کەرەستەی کەسیی ناوبراو وەکوو لەپتاپ، موبایل و کامێرای فیلمهەڵگر داگرتووە و لەگەڵ خۆیان بردوویانن.}

^{بە وتەی سەرچاوەیەکی ئاگادار ، هێزە ئیتلاعاتییەکان ئەم ڕۆژنامەنووسە کوردەیان بە هۆی بڵاوکردنی چەند بابەتێکی ڕەخنە‌گرانە دەسبەسەر کردووە.}

^{محەممەدڕستگار کەریمی، پیشینەی کاری ڕۆژنامەوانیی لە هەواڵدەریی حکوومەتی مێهر، زرێوارخەبەر و هەمشەهری هەیە.}

^{هەتا کاتی بڵاوبوونەوەی ئەم هەواڵە، ئەو ڕۆژنامەنووسە کوردە لە گرتنگەی هێزە ئیتلاعاتییەکانە.}

18/10/2018