^{وەزیری دەرەوەی رووسیا رایدەگەیەنێت، کە ئەمریکا هەوڵی دروستکردنی کیانێکی کوردی لە رۆژهەڵاتی سووریا دەدات.}

^{سێرگی لاڤرۆڤ، وەزیری دەرەوەی رووسیا رایگەیاندووە، لە رۆژهەڵاتی رووباری فورات (رۆژئاوای کوردستان و رۆژهەڵاتی سووریا دەگرێتەوە)، کارگەلێک روودەدەن، کە ”رووسیا بەهیچ شێوەیەک قبوڵیان ناکات“.}

^{سێرگی لاڤرۆڤ هەروەها رایگەیاندووە، ئەمریکا بەهاوکاریی هاوپەیمانە کوردەکانی، هەوڵی دروستکردنی ”کیانێکی نیمچە دەوڵەتی“ لە رۆژهەڵاتی رووباری فورات لە سووریا دەدات، کە مەبەست لێی کیانێکی کوردییە.}

^{وەزیری دەرەوەی رووسیا پێی وایە ئەمریکا بۆ بەدیهێنانی ئەو ئامانجە و مانەوەی خۆی لە سووریا، نایەوێ بارودۆخی ئەو ناوچانە جێگری بێت و بەرەو سەقامگیری بچێت.}

١٤/١٠/٢٠١٨