^{هاووڵاتییەکی خەڵکی شاری مەهاباد بەناوی کەیوانی عەلیالی لە لایەن دەزگای قەزاییەوە بە دەساڵ و سێ مانگ زیندان سزا درا.
بە پێی ڕاپۆڕتی ماف نیوز، کەیوان عەلیالی رۆژی سێ‌شەممە ٢١ی سەرماوەزی ساڵی ٩٦ی هەتاوی لە نیوشاری مەهاباد دەسبەسەر کراوەو لەو کاتەوە لە گرتووخانە ئیدارەی ئیتلاعات‌ دایە.
دەگوترێ ناوبراو بە تاوانی ئەندامبوون لە یەکێک لە حیزبەکانی دژبەری ڕێژیم دەسبەسەر و بە توندی سزا دراوە.
شیاوی باسە ئەو بەندییە سیاسییە، لە ڕەوتی دادگایی کردنی لە مافی هەبوونی پارێزەر بێبەش کراوە و، بۆ ماوەیەکی زۆریش بنەماڵەکەی لە چارەنووسی هیچ زانیارییەکیان لە بەردەست دا نەبووە .
کەیوان عەلیالی پێشتریش بە تۆمەتی هاوکاری کردن لە گەڵ حیزبە کوردییەکان لە لایەن هێزە ئەمنییەکانەوە دەسبەسەر کرا بوو.}

7/10/2018