^{لە گوندێکی 200 بنەماڵەیی سەر بە شاری "تەفرش" لە پارێزگای "مەرکەزی"ی ئێران، 175 کەس لە بواری جۆراوجۆردا خاوەن بڕوانامەی دکتۆران.}

^{بەپێی ڕاپۆرتی میدیا فەرمییەکانی ئێران گوندی "تەراران، یان دلارام" گوندێکە هەڵکەوتوو لە ٦ کیلۆمەتریی شاری تەفرش لە پارێزگای "مەرکەزی" لەبەر ئەوەی لەم گوندە 200 بنەماڵەییدا 175 کەس خاوەنی بروانامەی پزیشکییە، ئەو گوندە نازناوی "گوندی پزیشکان"ی پێ بەخشراوە و بەم بۆنەوە ناو ناوبانگی زۆری پەیدا کردووە.}

^{لەسەر تابلۆی دەروزەی گوندی "دلارام" نووسراوە شوێنی لەدایکبوونی پرۆفیسۆر "ئەردەشیر قەوام‌زادە" باوکی نەشتەرگەریی مێشکی ئێران.}

^{ئەم گوندە هاوکات لەگەڵ ئەوە پڕە لە دکتۆر و خوێندەوار و خوێندکار و پسپۆڕی جیاجیا، هاوکات لە وباری کشتوکاڵییەوە گوندێکی خاوەن بەهرەیە و "گوێز و بادام" لە سەرەکیترین بەرهەمەکانی خەڵکی ئەو گوندەیە.}

^{بە گوتەی زەهرا گەنجعەلی ئەنجومەنی گوندەکە ئێستا "دلارام" وەک جاران قەرەباڵغ نییە و زۆربەی پزیکشکەکان لە ئەراک (ناوەندی پارێزگای مەرکەزی)، تاران، یان دەرەوەی وڵات دەژین و زۆربەیان لە کاتی هاوین و ڕێوڕەسم و دابونەریتەکاندا سەردانی گوندەکە دەکان و ئێستا تەنیا 40 بنەماڵە بۆ هەمیشە نیشتەجێی ئەو گوندەن.}

^{عەباس پارسا، ئامۆزای دکتۆر کوڕە پووری پرۆفیسۆر قەوام زادە لەبارەی هۆکاری ئەوەی گوندی "دلارام" ئەو هەموو دکتۆر و پزیشکەی تێدایە، دەڵێت: "هەندێ هۆکار لەم پرسەدا میراتین و هەندێ هۆکاری دیکەش چاولێگەرین و کاتێک دەبیندرا هەموان سەرقاڵی خوێندن و پیشەی پزیشکین، ئەوانیش دوای کەوتن، هەڵبەت نابێ کاریگەریی گوێز و بادام لەبەرچاو نەگرین، چونکە کاتێک منداڵ بووین گیرفانمان پڕ بوو لە گوێز و بادام و وەک نوقڵ و چوکلێت دەمانخواردن".}

^{لەناو ئەو کەسانەدا کە خاوەن بڕوانامەی دکتۆران دەکرێ ئاماژە بە پسپۆڕی بواری پزیکشی، مێژوو، ئابووری و.. بکەین.}

١٠/٧/٢٠١٨