هێزە ئەمنییەکان شەوی ٧ی ڕەزبەر رۆژنامەنووس و خوێندکارێکی خەڵکی شاری کرماشانیان دەسبەسەر کردوەو، بۆ شوێنێکی نادیاریان گواستووتەوە.
بە پێی ڕاپۆڕتی هەواڵدەریی موکریان، ئیبراهیم ئسکافی چالاکی خوێندکاری و رۆژنامەنووس و نوێنەری پێشووی شوڕای ناوەندیی چاودێری بەسەر بڵاوکراوەکانی زانکۆی وەزارەتی زانست، لە لایەن هێزە ئەمنییەکانەوە دەسبەسەرکراوەو، تاکاتی ئامادە کردنی ئەم هەواڵە لە چارەنووس و، هۆکاری دەسبەسەرکردنی هیچ زانیارییەک لە بەردەست‌دا نیە.
هەروەها دەگوترێ ناوبراو پێشتر، لەهەمبەر دەسبەسەرکرانی کەسانی جیابیرو ڕەخنەگری ڕێژیم، هەڵوێستی هەبووەو ، لە پێشێل‌کرانی مافی کەمەئایینییەکانی بەهایی لە ئێران، ڕەخنەی گرتووە.
جێی‌وەبیرهێنانەوەیە ئیبراهیم ئسکافی ٨ساڵ لەمەوبەریش دەسبەسەرکراو، دوای ماوەیەک ڕاگرتنی لە گرتووخانەی ئیتلاعات ئازاد کرا.
ئەو رۆژنامووسە خاوەنی دوکتورای زمانناسی لە زانکۆی ڕازی کرماشانە.
10/1/2018
