^{برای عەلیڕەزا سپاهی لایین، شاعێری کوردی خەڵکی خۆراسان، بە تەقەی ڕاستەوخۆی هێزە نیزامییەکانی حکوومەتی بە سەختی بریندار بوو.}

^{بەپێی هەواڵی هەواڵدەریی کوردپا، ڕۆژی چوارشەممە ٢٨ی خەرمانان، حەمیدڕەزا سپاهی لایین تەمەن ٣٢ ساڵ و برای عەلیڕەزا سپاهی لایین، شاعێری کوردی خەڵکی خۆراسان، لە نزیک گوندی "درگێز" بە تەقەی فەرماندەی پاسگای "سنگدیوار"، جەواد ئەمیری پێکرا.}

^{عەلیڕەزا سپاهی لایین، وێرای پشتڕاستکردنەوەی ئەم هەواڵە بە ئاژانسی کوردپا ڕایگەیاند: براکەی حەمیدڕەزا لە نزیک گوندی "درگێز" خەریکی شوانی بووە.}

^{ناوبراو هەروەها دەڵێت: براکەی لە نەخۆشخانە نەشتەرگەری بۆ کراوە و بە هۆی شکاوی ئیسکی لاقی، "پلاتینـ"ـیان بۆی داناوە.}

^{عەلیڕەزا سپای لایین لە هەمبەر ئەو کارە لە یاداشتێکدا لەژێر ناوی "دوو تیر و یەک نیشان" نووسیوویەتی: "ئەمڕۆ کە چوومە درگێز، بۆ داداگییکردن نەڕۆیشتمەوە. دادگا و زیندان هی جارەکانی پێشوو و شارەکەم کەڵاتی نادری بووە. ڕۆیشتبووم بۆ درگێز بۆ سەردانی براکەی کە بە گولـلە پێکرابوو؛ دوو گوللــەیان لە یەک شوێن لێ دابوو.}

^{عەلیڕەزا سپاهی لایین، هەتا ئێستا زیاتر لە ١٠ کتێبی بە زمانەکانی کوردی و فارسی بڵاو کردووەتەوە و بە یەکێک لە نووسەرە بەتواناکانی ئێران بە ئەژمار دێت.}

^{پێشتریش، ئەم شاعێرە کوردە، ڕۆژی ٨ی گەلاوێژی ساڵی ٩٠ لە لایەن هێزە ئیتلاعاتییەکانی شاری مەشهەدەوە بە تۆمەتی "پەیوەندیی لەگەڵ حیزبە کوردییەکانی ئۆپۆزسیۆنی حکوومەتی ئێران"، هۆنینەوە دروشمی ڕەخنەگەرانە دژی حکوومەت و ڕێزگرتن لە ڕێبەرانی کورد" دەسبەسەر کرابوو. هەروەها مانگی بەفرانباری ساڵی ٩٢ لقی ٣ی دادگای شاری مەشهەد بە سەرۆکایەتی دادوەر سوڵتانی، عەلیڕەزا سپاهی لایین بە ١١ مانگ زیندان، ٥ مانگ بێبەشبوون لە چالاکیی فەرهەنگی و دانی پارە نەخت مەحکووم کرابوو.}

٢٥/٩/٢٠١٨