^{تەندروستی دوو کۆڵبەری چاڵدێرانی کە بە تەقەی هێزە نیزامییەکانی حکوومەتی بریندار کرابوون، نالەبار ڕاگەیاندراوە.}

^{بەپێی هەواڵی  ئاژانسی هەواڵدەریی کوردپا، بارودۆخی تەندروستی دوو کۆڵبەری کورد خەڵکی شاری چاڵدێران بە ناوەکانی "پەیمان قولیزادە و عێزەدین حوسێن‌نژاد" کە بە تەقەی ڕاستەوخۆی هێزە نیزامییەکان پێکرابوون، نالەبار وەسف کراوە.}

^{بە وتەی سەرچاوەیەکی ئاگادار، بارودۆخی تەندروستی عێزەدین حوسێن‌نژاد نالەبارە و لە نەخۆشخانەی چاڵدێران خەوێندراوە و هەروەها پەیمان قولیزادە بە هۆی کاریگەربوونی برینەکەی بۆ نەخۆشخانەی شاری زەنجان ڕاگوێزراوە.}

^{شەوی ٢٧ی خەرمانان، هێزە نیزامییەکانی حکوومەتی ئێران، لە ئەنجامی دەسڕێژ لە ژمارەیەک لە کۆڵبەرانی کورد، کۆڵبەرێکی کوردیان لە سنووری شاری چاڵدێران کوشت.}

^{شوناسی ئەو کۆڵبەرە کوردە بە ناوی "نعمەت شەهبازی حەیدەرانلوو"، تەمەن ٣٠ ساڵ، خەڵکی گوندی "عیسا گۆلێکـ"ـی شاری چاڵدێران ڕاگەیەندراوە.}

24/9/2018