^{به‌گوێره‌ی هه‌واڵێكی ته‌له‌ڤزیۆنی فه‌رمی ئێران، هێرشی چەکداری كراوه‌ته‌ سه‌ر نمایشێكی سه‌ربازی هێزه‌ چه‌كداره‌كانی ئێران له‌ شاری ئه‌هوازی باشووری ئێران.}

^{به‌گوێره‌ی زانیاریی میدیاكانی ئێران كوژراو و بریندار هه‌یه‌ و ژماره‌ی برینداره‌كان گه‌یشتووه‌ته‌ ٣٠ كه‌س.}

^{به‌گوێره‌ی زانیارییه‌كانی ئاژانسی هه‌واڵی ئیسنا، بۆ ماوه‌ی 10 خوله‌ك ته‌قه‌كردن به‌رده‌وام بووه‌و ئه‌وانه‌ی ته‌قه‌یان كردووه‌ جلوبه‌رگری سه‌ربازیان له‌ به‌ردابووه‌ و چه‌كداره‌كان هه‌ڵاتوون.}

^{سوپای پاسدارانی ئێران "بزووتنه‌وه‌ی نیشتمانی رزگاركردنی ئه‌هواز"ـی عه‌ره‌به‌كانی به‌ ئه‌نجامدانی هێرشه‌كه‌ تۆمه‌تبار ده‌كه‌ن و په‌نجه‌ی تۆمه‌تیش بۆ شانشینی سعوودییه‌ راده‌كێشن.}

^{به‌گوێره‌ی دوایین زانیاری تائێستا ١١ كه‌س كوژراون و زیاتر لە ٣٠ كه‌سی دیكه‌ش بریندار بوون. هه‌ندێك زانیاری دیكه‌ش هه‌ن ئاماژه‌ی ئه‌وه‌ده‌ده‌ن كه‌ ژماره‌ی كوژراو و برینداره‌كان زۆر له‌وه‌ زیاترن.}

24/9/2018