دوابەدوای هێرشی ئەم دواییانە بۆ سەر عێراق، وتەبێژێکی دەوڵەتی بریتانیا لێدوانێکی بڵاو کردەوە.
وتەبێژێکی دەوڵەتی بریتانیا گوتی:
“بریتانیا بە نیگەرانییەوە چاودێریی ڕووداوەکانی ئەم دواییانەی عێراق و هەرێمی کوردستان دەکا. دوای هێرشەکەی نزیک کۆیە، ئەم هەفتەیە باڵوێزی بریتانیا لە عێراق سەردانی هەرێمی کوردستانی کرد و لەگەڵ سەرکۆنسول ( هی بریتانیا) لە هەولێر لەگەڵ گشت لایەنەکان چاوپێکەوتنی کرد.
هێرشی ئێران بۆ سەر کۆیە لە ئەندازە بەدەر و مەترسیدار بوو. بریتانیا پشتیوانیی لە لێدوانەکانی دەوڵەتی عێراق، حکومەتی هەرێمی کوردستان و یونامی دەکا. ئێمە داوا لە گشت لایەنەکان دەکەین کە ددان بەخۆدا بگرن و ڕێز بۆ سەربەخۆیی و سەروەریی عێراق دانێن.
بریتانیا بە تووندترین شێوە هەر جۆرە تووندوتیژیی بەرامبەر بە نوێنەرایەتییە سیاسییەکان، لەناویاندا ئەوانی ویلایەتە یەکگرتووەکان، هەر وەک لە بەسرە و بەغدا لە ڕۆژانی ڕابردوو دا دیتمان مەحکوم دەکا.
بریتانیا داوا لە گشت لایەنەکان دەکا کە درێژە بە هەوڵەکانیان بۆ پێکهێنانی دەوڵەتێکی گشتگر بە گوێرەی کاتی دیاریکراو لە یاسای بنەڕەتییدا بدەن، کە نوێنگەی ویست و هیواکانی سەرجەم شارۆمەندانی عێراقە.”
17/9/2018
