(2).jpeg)
فه‌رمانده‌ى هێزى ده‌ريايى رێژیمی كۆمارى ئيسلامى ئێران، حسێن خانزادى، رايگه‌ياند، ئێران به ته‌واوى ده‌سه‌ڵاتى به‌سه‌ر گه‌رووى هورمزدا ده‌شكێت.
خانزادى گوتيشى: هێزى ده‌ريايى كۆمارى ئيسلامى ئێران سه‌رقاڵى درووستكردنى ژێرده‌ريايى نوێيه.
ئه‌وه‌شى گوت: هه‌ريه‌ك له ژێرده‌رياييه‌كانى فاتح و غه‌دير ده‌ستكردى ناوخۆى ئێرانن و له‌و رووه‌وه پێشكه‌وتنى به‌رچاو به‌ده‌ستهاتووه.
روونيشيكرده‌وه، يه‌ك له سێى بازرگانى جيهان به گه‌رووى هورمزدا تێده‌په‌ڕێت و ئه‌و گه‌رووى به ته‌واوى له ژێر كۆنترۆڵى كۆمارى ئيسلاميدايه.
ئه‌م په‌يامه‌ى خانزادى له كاتێكدايه، رۆژ له دواى رۆژ بازنه‌ى سزادانى ئێران فراوانتر ده‌بێت و ئه‌مه‌ريكا له هه‌وڵى ئه‌وه‌دايه هيچ كڕيارێك بۆ نه‌وتى ئێران نه‌هێڵێته‌وه.
17/9/2018
