بەرەبەیانی رۆژی شەممە ١٧ی خەرمانان، ٨ی سێپتەمبەر کۆماری ئیسلامی بنکەکانی هەر دوو حیزبی دیمۆکرات، حیزبی دیمۆکراتی کوردستانی ئێران و حیزبی دیمۆکراتی کوردستانی بۆمباران کردوەو بە داخەوە ١٦ کەس شەهید بوون و زیاتر لە ٣٠ کەس بریندار بوون.

بە پێی هەواڵ: ژمارەیەک لە ئەندامانی رێبەری هەر دوو حیزبی دیمۆکراتی کوردستان و حیزبی دیمۆکراتی کوردستانی ئێران بریندار بوون.

^{بە ئاگاداریی بیرورای گشتی دەگەیەنین کە کاتژمێر ١٠:٤٥ی پێشنیوەڕۆی ئەمڕۆ شەممە، ٨ی سێپتامبری ٢٠١٨، قەڵای دیموکرات، بنکەی دەفتەری سیاسیی حیزبی دیموکراتی کوردستان، لە کاتی بەڕێوەچوونی پلینۆمی کۆمیتەی ناوەندی دا کەوتە بەر هێرشی مووشەکی و هەوایی کۆماری ئیسلامیی ئێران. لە کاتی ئەو هێرشە و بە دوای ئەو هێرشە دا، فڕۆکەی بی سەرنشین بە ئاسمانی کۆیەدا خولاوەتەوە. هەر دوا بە دوای هێرشە مووشەکییەش بۆ سەر سکرتاریای حیزب، قەڵای دیموکرات کەوتە بەر هێرشی چەندین مووشەکی دیکە.}

^{بە داخەوە ژمارەیەک لە تێکۆشەرانی حیزب بە هۆی ئەم هێرشەوە، شەهید و بریندار بوون. لە ڕاگەیەندراوەکانی داهاتوو دا زانیاریی زیاتر بە ئاگاداریی بیرورای گشتی دەگەیەنین.}

^{دەفتەری سیاسیی حیزبی دیموکراتی کوردستان}

^{نیوەرۆی ٨ی سێپتامبری ٢٠١٨ ١٧ی خەرمانانی ١٣٩٧}

٩/٩/٢٠١٨